Actualitats
Eth campanau de Vielha que demorarà quilhat
Un pericle que provoquèc dimenge un incendi e que n’afectèc grèvaments era estructura
Non calerà desrocar eth campanau de Vielha, segontes es analisis qu’an hèt es tecnicians deth Conselh Generau d’Aran dempús d’analizar es damatges provocadi pera queiguda d’un pericle e per incendi que seguic.
Se passèc dimenge entàs 20h45, qu’un pericle queiguèc sus eth campanau dera glèisa de Sant Miquèu de Vielha e er incendi que i provoquèc e cremèc er interior de husta dera tor qu’afectèc eth sistèma electronic des campanes e der arrelòtge. Es pompièrs d’Aran qu’amortèren eth huec en mens de dues ores e qu’assegurèren era zòna. Ara seguida, que desmontèren era viroleta dera tor e qu’estabilizèren era estructura deth bastiment.
Er incident qu’arribèc en plea Hèsta Major de Vielha. Era missa e es dances tradicionaus an passat a hèr-se ena sala polivalenta, qu’er Ajuntament deth cap-lòc aranés e a arranjada entad acuélher aqueri eveniments, pr’amor qu’es trabalhs de reabilitacion deth santuari de Mijaran, damajat pes inondacions de junh, non an acabat encara.
Ath delà der incendi dera tor e deth rambalh deth tron, eth pericle qu’afectèc eth servici de telefon e qu’estrossegèc part deth mobiliari de bèri bars. Totun, cap de persona ei estada herida.
Ferriòl Macip
_____
Mès informacions en Meddia Aranés deth 9 de seteme:
Se passèc dimenge entàs 20h45, qu’un pericle queiguèc sus eth campanau dera glèisa de Sant Miquèu de Vielha e er incendi que i provoquèc e cremèc er interior de husta dera tor qu’afectèc eth sistèma electronic des campanes e der arrelòtge. Es pompièrs d’Aran qu’amortèren eth huec en mens de dues ores e qu’assegurèren era zòna. Ara seguida, que desmontèren era viroleta dera tor e qu’estabilizèren era estructura deth bastiment.
Er incident qu’arribèc en plea Hèsta Major de Vielha. Era missa e es dances tradicionaus an passat a hèr-se ena sala polivalenta, qu’er Ajuntament deth cap-lòc aranés e a arranjada entad acuélher aqueri eveniments, pr’amor qu’es trabalhs de reabilitacion deth santuari de Mijaran, damajat pes inondacions de junh, non an acabat encara.
Ath delà der incendi dera tor e deth rambalh deth tron, eth pericle qu’afectèc eth servici de telefon e qu’estrossegèc part deth mobiliari de bèri bars. Totun, cap de persona ei estada herida.
Ferriòl Macip
_____
Mès informacions en Meddia Aranés deth 9 de seteme:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari