Actualitats
Començan las celebracions del 800n anniversari de la Batalha de Murèth
La vila de Murèth e divèrses collectius del país començan uèi las commemoracions del 800n anniversari de la desfacha de 1213, qu’auràn luòc fins a dimenge
Convergéncia Occitana, qu’amassa 84 associacions occitanas, organiza aqueste matin a 11 oras un acte commemoratiu, a la Placeta De Gaulle, sit de l’ancian Capitòli de la vila. Se prevei una lectura del passatge de la Cançon de la Crosada que relata los faches que se passèron. L’emplaçament es causit per demandar simbolicament l’avís dels capítols, signe del bon foncionament de la democracia tolosana.
Al delà, se ten tre ièr e fins a dimenge una amassada dels partits Euròpa Ecologia-los Verds (EELV), Partit Occitan (PÒC), Iniciativa per Catalonha-los Verds (ICV) e Chunta Aragonesista (CHA), amb la tòca de “reïnventar la solidaritat occitana, catalana e aragonesa”, en sosten a l’Euroregion. Vejatz mai d’informacions sul sit d’EELV e sul sit del PÒC.
Cal soslinhar un congrès que l’organiza la Federacion Istorica de Miègjorn-Pirenèus del 13 al 15. Aurà per títol “Lo temps de la Batalha de Murèth, 12 de setembre de 1213”, e se tendrà a Murèth. Vejatz lo programa del congrès.
La vila de Murèth collabòra amb aquel congrès e organiza una celebracion nacionala fins a dimenge, entitolada “Murèth se’n soven”. De manifestacions culturalas e de divulgacion de l’istòria se debanan dins la vila. Deman a 18h30 s’inaugurarà una estela commemorativa. Trobaretz mai d’informacions sul sit de la comuna de Murèth.
Al delà, se ten tre ièr e fins a dimenge una amassada dels partits Euròpa Ecologia-los Verds (EELV), Partit Occitan (PÒC), Iniciativa per Catalonha-los Verds (ICV) e Chunta Aragonesista (CHA), amb la tòca de “reïnventar la solidaritat occitana, catalana e aragonesa”, en sosten a l’Euroregion. Vejatz mai d’informacions sul sit d’EELV e sul sit del PÒC.
Cal soslinhar un congrès que l’organiza la Federacion Istorica de Miègjorn-Pirenèus del 13 al 15. Aurà per títol “Lo temps de la Batalha de Murèth, 12 de setembre de 1213”, e se tendrà a Murèth. Vejatz lo programa del congrès.
La vila de Murèth collabòra amb aquel congrès e organiza una celebracion nacionala fins a dimenge, entitolada “Murèth se’n soven”. De manifestacions culturalas e de divulgacion de l’istòria se debanan dins la vila. Deman a 18h30 s’inaugurarà una estela commemorativa. Trobaretz mai d’informacions sul sit de la comuna de Murèth.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Alara me sembla que lo mot "commemoracion" seria pus corrècte que "celebracion".
Un dòl, aquò se commemora, se celebra pas, non ?
Mathieu, celebració no pas de la desfeta en si. És un recordatori d'uns fets horrorosos per al poble occità perquè es puguin superar i Occitània torni a ser un país lliure i independent i amb la llengua occitana del tot recuperada i de la qual els occitans estiguin orgullosos de parlar-la i de trametre-la a llurs fills.
Murèth que's ditz Muriel en aragonés. La batalla de Muriel...aquò que soa beròi. Pecat que lo Pèir èra bandat e no's podéva pas tiéner dret suu chivau aqueth jorn. Enfin, qu'ei çò qu'escriu lo son hilh, Jacme I d'Aragon, lo conqueridor, qui estimava pas tròp lo papair.
Celebracion ? De que, de la desfacha ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari