Actualitats
Un pache de la drecha amb l’ultradrecha governarà Norvègia
Los conservators an ganhat las eleccions mas lor cal pachar amb l’ultradrecha
Après uèch ans, la drecha tornarà governar Norvègia. Lo blòc dels partits de centredrecha a ben capitat contra la coalicion menada pel laborista Jens Stoltenberg.
Erna Solberg, coneguda per sa duretat contra l’immigracion, serà la primièra ministra, que deurà formar govèrn amb la formacion ultradrechista del Partit pel Progrès (FRP), ont militèt Anders Breivik, acusat d’assassinar mai de 70 personas l’estiu de 2011. E mai se l’FRP a perdut 30% dels vòtes, la coalicion conservatritz a besonh del sieu sosten per aver 54% dels vòtes e far govèrn.
Los laboristas, qu’èran al poder dempuèi 2005, passaràn a l’oposicion malgrat que sián lo partit per lo qual s’es mai votat. La santat, l’educacion e l’usatge de l’argent dels fonzes de las pensions publicas son estats los tèmas centrals de la campanha electorala. Lo vidèo que faguèt Stoltenberg, en venent taxista per un jorn, a pas tant reüssit.
Las convèrsas per la formacion del nòu govèrn entre los partits membres de la coalicion ganhanta començaràn sul pic. S’espèra que l’acòrdi serà fach al començament d’octòbre, quand començarà la nòva annada parlamentària del país.
Erna Solberg, coneguda per sa duretat contra l’immigracion, serà la primièra ministra, que deurà formar govèrn amb la formacion ultradrechista del Partit pel Progrès (FRP), ont militèt Anders Breivik, acusat d’assassinar mai de 70 personas l’estiu de 2011. E mai se l’FRP a perdut 30% dels vòtes, la coalicion conservatritz a besonh del sieu sosten per aver 54% dels vòtes e far govèrn.
Los laboristas, qu’èran al poder dempuèi 2005, passaràn a l’oposicion malgrat que sián lo partit per lo qual s’es mai votat. La santat, l’educacion e l’usatge de l’argent dels fonzes de las pensions publicas son estats los tèmas centrals de la campanha electorala. Lo vidèo que faguèt Stoltenberg, en venent taxista per un jorn, a pas tant reüssit.
Las convèrsas per la formacion del nòu govèrn entre los partits membres de la coalicion ganhanta començaràn sul pic. S’espèra que l’acòrdi serà fach al començament d’octòbre, quand començarà la nòva annada parlamentària del país.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari