capçalera campanha

Actualitats

Politica

Hollande fa un omenatge polemic a Jules Ferry

L'omenatge descotís una polemica pr'amor del costat racista e colonizator de Ferry, mas pas per aver planificat la supression de las identitats regionalas

| Cyrille

François Hollande depausèt ièr dimars una garba al pè de l'estatua de Jules Ferry. L'artesan de l'escòla modèrna èra tanben un colonialista convencut. E la drecha a pas mancat de descotir una polemica, qu'a vist lo costat racista de Ferry sens aver compte del lingüicidi planificat per l'òme politic.



Los polemistas vòlen veire lo primièr pas en fals de François Hollande, que just a la sortida de la passacion de poder de ièr dimarts, faguèt un omenatge a Marie Curie e a Jules Ferry en depausant una garba al pè de l'estatua monumentala de l'òme politic francés al al jardin de las Tuileries a París.



Ferry lo promotor de l'escòla mixta e laïca... o lo colonisator racista? Maites politicians de drecha coma Luc Ferry o Roselyne Bachelot sus Twitter, e qualques uns d'esquèrra denóncian las zònas d'ombra de l'omenatjat.



Jules Ferry promoguèt lo colonialisme en China e en païses del sud-èst asiatic, obtenguèt lo protectorat de Tunisia e se lancèt a la conquista de Còngo. En Euròpa considerèt que caliá "recuperar" los territòris d'Alsàcia e de Lorena. En 1885 prononcièt un discors que Charles André Julien considerèt lo "primièr manifèst imperialista portat a la Tribuna".


Mas Jules Ferry destaca sustot per la siá activa promocion del colonialisme francés e per la siá reforma escolara, que suprimiguèt las identitats religiosas ("laïcisme francés"), las culturas "regionalas" (disparièras de la francesa) e qu'impausèt coma soleta lenga lo francés, parlat alavetz per 10% dels ciutadans de França, e en impausant d'umiliacions e de puniments als que parlavan "patois". Foguèt lo principal promotor de la "vergonha" a la fin del sègle XIX. Per poder escampilhar aquelas valors francesas e uniformizar tot lo territòri jos lo sieu poder, introdusiguèt l'ensenhament primari public gratuit, un modèl encara en vigor dins la França del sègle XXI.

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Olivièr Allauch
7.

Lei plasmadores de la escòla publica e moderna son Lois XIV e Guizot.

  • 0
  • 1
Batko
6.

Lo Hollande que'm hè paur, comença de d'ora las colhonadas, tanlèu lo purmèr jorn. Mentre un omenatge deus bèths a París ("Cada Francés a duas patrias, sa vila e París - o quauquarren atau) a ditz : "Paris est plus grand que Paris..." Va comprénguer, Carles ...
Que seguís la dralha d'un aute gran colhonaire : lo Jospin !

  • 4
  • 0
Matieu Castel Amians
5.

Bota... Oblidem pas nimai que per una part gròssa dei ciutadans francés, es Charlemagne qu'inventèt l'escòla. E siau segur que son assegurats qu'aquela "escòla" se fasia en francés.

  • 5
  • 0
Faidit Comuns
4.

1/ Lo laus a'n Ferry, borrèl de la nòstra lenga e cantoral del colonialisme e del racisme francés oficial

http://lewebpedagogique.com/histoire/documents/jules-ferry-discours-sur-la-colonisation-28-juillet-1885/

"Il y a un second point que je dois aborder… : c’est le côté humanitaire et civilisateur de la question… Les races supérieures ont un droit vis-à-vis des races inférieures. Je dis qu’il y a pour elles un droit parce qu’il y a un devoir pour elles. Elles ont le devoir de civiliser les races inférieures. "

2/ Lo lausa a na Marie Curie, "inventritz" de la fisica nucleara, a l'ora de Fukushima e de Fessenheim

son una vergonha e una conariá de las bèlas!

Aquò pròva que conariá e socialisme imperilaista franchimand son pas incompatibles

  • 4
  • 1
Batko
3.

Lo quite ròtle de Ferry dens l'educacion es estat un pauc "sanctificat" e es la pròva de la bestièssa francesa (desencusatz, mès soi esmalit en tot pensar ad aquò) ed a son egocentrisme. Díser que l'escòla obligatòria ed a gràtis es ua creacion de la Republica n'es pas sonque propaganda. Aquò qu'estoc hèit dejà despuish bèra pausa (30 ans !!) en Prússia, qui n'èra pas ua republica, que sàpia.
E quan òm coneish la tòca de l'escòla de la Tresau Republica (Formar de la carn per canon entad anar tornar panar Alsàcia e Mosèla), òm pòt se demandar se lo projècte èra tan nòbla qu'aquò.
La tòca èra benlèu l'egalitat ... fàcia a l'enemic. Lo sistèma sociau de la IIIau Rep. a demostrat que l'egalitat, la vertadièra, nèra pas lo pensament purmèr deus borgés parisencs qui n'esitavan pas a enviar la tropa contra lo pòble ed a har tirar quan ac calèva.

  • 6
  • 1

Escriu un comentari sus aqueste article