Lo Quartièr Roge d’Amsterdam es plan conegut, mai que mai perque las prostitutas son expausadas darrièr las veirinas. Es precisament ailà que se debanèt una performança subrebèla contra lo trafec d’èssers umans.
Mentre que lo mond se passejavan pel quartièr, una de las prostitutas qu’èra darrièr una veirina se metèt a tremolar. Sul pic foguèt seguida per sas tres collègas, mentre que l’espectacle comencèt d’atraire l’atencion dels passejaires que s’i arrestavan. Alavetz las quatre femnas comencèron una coreografia, e doas autras comencèron de dançar darrièr doas fenèstras del primièr estanci de l’edifici.
A la fin de l’espectacle, quand los espectators aplaudissián lor arribèt un desencantament subte. Un ecran tresplombant la carrièra mostrèt un messatge ont se podiá legir: “Cada annada de centenats de femnas se veson prometre una carrièra de dançaira en Euròpa de l’Oèst. Malaürosament acaban aicí.” Es aquí que la performança capitèt plan sa tòca de daissar lo public acipat après que l’aguèsson mes en fàcia de la misèria umana ligada a la prostitucion.
L’espectacle foguèt orquestrat per Stop the Traffik e alestit per l’entrepresa de publicitat Duval Guillaume.
Las diferentas campanhas d’Stop the Traffik an per tòca de denonciar e véncer lo trafec d’èsser umans e l’esplecha sexuala.
Dempuèi 1990, lo trafec d’èssers umans a triplat. Segon las estatisticas, 33% de las prostitutas olandesas venon de païses exteriors a l’Union Europèa.
Mentre que lo mond se passejavan pel quartièr, una de las prostitutas qu’èra darrièr una veirina se metèt a tremolar. Sul pic foguèt seguida per sas tres collègas, mentre que l’espectacle comencèt d’atraire l’atencion dels passejaires que s’i arrestavan. Alavetz las quatre femnas comencèron una coreografia, e doas autras comencèron de dançar darrièr doas fenèstras del primièr estanci de l’edifici.
A la fin de l’espectacle, quand los espectators aplaudissián lor arribèt un desencantament subte. Un ecran tresplombant la carrièra mostrèt un messatge ont se podiá legir: “Cada annada de centenats de femnas se veson prometre una carrièra de dançaira en Euròpa de l’Oèst. Malaürosament acaban aicí.” Es aquí que la performança capitèt plan sa tòca de daissar lo public acipat après que l’aguèsson mes en fàcia de la misèria umana ligada a la prostitucion.
L’espectacle foguèt orquestrat per Stop the Traffik e alestit per l’entrepresa de publicitat Duval Guillaume.
Las diferentas campanhas d’Stop the Traffik an per tòca de denonciar e véncer lo trafec d’èsser umans e l’esplecha sexuala.
Dempuèi 1990, lo trafec d’èssers umans a triplat. Segon las estatisticas, 33% de las prostitutas olandesas venon de païses exteriors a l’Union Europèa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A Tolosa dens lo quartièr de la gara, las prostituadas qu'èran TOTAS negras a ua epòca e après qu'estón TOTAS asiaticas.
Que pudè a l'esclavatge. Las mesuras repressivas de Sarkozy qu'an chic cambiat las causas (que n'i a mensh per carrèras mes que i a mei de numeròs de portables afichats "Sonia 06 XX XX XX" "Trans 06 xx xx xx", etc...) mes si 33% de las prostituadas d'Amsterdam son victimas deu trafic tanben, que vòu díser la legalisacion n'ei pas LA solucion tanpòc.
Ne crèi pas tanpòc a l'abolicion, que pensi que pòt menar a situacions mei ipocritas mes pas forçadament mei bonas per las tribalhaires deu sèxe. E puish ne consideri pas la prostitucion com un mau en se, que'm mes.hidi de la culpabilisacion sus aqueth sicut.
Qué cau har, lavetz? Esclaus, que n'i a per noste tanben, que sian dens hialats de prostitucion o de mendicitat o de qué sabi enquèra...
L'associacion qui organisè aqueth eveniment que'm sembla obrar dens lo bon sens.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari