Actualitats
Mes en examen per “omicidi volontari”, lo joielièr de Niça anarà pas en preson
Stéphane Turk tirèt e tuèt un dels dos panaires que venián de raubar en son establiment
I a un debat social sus l’accion d’Stéphane Turk, un joielièr niçard de 67 ans que, dimècres passat, tirèt e tuèt un dels dos panaires que venián de raubar en son establiment. Turk es estat mes en examen per omocidi volontari e assignat a residéncia.
Lo raubaire, dins sos 19 ans, foguèt atench a l’esquina pel còp de fuòc del joielièr quand fugissiá a l’endarrièr d’una mòto e tombèt, del temps que son complice fugiguèt.
Los faches se passèron dimècres passat, quand dos individús intrèron dins la joielariá d’Stéphane Turk, en brandissent una arma, qualques minutas abans la dobertura de la botiga, aperaquí a 7 oras del matin. Obliguèron Turk de lor dobrir lo còfre fòrt e de lor liurar los joièls. Fugiguèron sus una mòto e alavetz lo joielièr los fusilhèt.
Lo procuraire, Eric Bedos, anoncièt la dobertura d’una informacion judiciària contra Stéphane Turk per omicidi volontari e requeriguèt son assignacion a residéncia jos susvelhança electronica.
“Après son agression, lo joielièr agafèt una arma, avancèt a la cortina metallica, s’agrovèt e tirèt tres còps de fuòc. El ditz aver tirat dos còps per immobilizar l’escotèr, e un tresen còp ont auriá tirat instintivament en se sentissent menaçat”, çò expliquèt Bedos, que precisèt que “quand el tirèt, sa vida èra pas mai menaçada”.
Lo procuraire de Niça expliquèt tanben que “lo malfactor èra estat condemnat catòrze còps per un tribunal correccional”.
La victima s’apelava Anthony, èra originari de Carròs (Vencenc). Segon de declaracions de son paire a Nice Matin, sa calinhaira èra emprenhada de quatre meses. “Èra un petit delinquent, un raubaire d’escotèrs”, çò apondiá lo paire. Segon son fraire Yannick, èra un gojat plan influenciable que “vesiá tròp de besonhas a la tèle”. La familha es desolada e demanda justícia.
Mas los rets socials son confles de messatges de sosten al comerçant. Dijòus de ser qualques desenats de personas s’acampèron en sosten al joielièr. Sus Internet lo sosten es tanplan nombrós, la pagina Facebook de “sosten al joielièr niçard” a mai de 700 000 afeccionats, e una peticion en linha s’es lançada.
Aqueles faches se son debanats en un contèxt de recrudescéncia dels panatòris de joièls a la Còsta d’Azur. L’establiment, plaçat al centre de Niça, l’avián ja raubat en una autra ocasion, que trauquèron la paret per i intrar.
Lo raubaire, dins sos 19 ans, foguèt atench a l’esquina pel còp de fuòc del joielièr quand fugissiá a l’endarrièr d’una mòto e tombèt, del temps que son complice fugiguèt.
Los faches se passèron dimècres passat, quand dos individús intrèron dins la joielariá d’Stéphane Turk, en brandissent una arma, qualques minutas abans la dobertura de la botiga, aperaquí a 7 oras del matin. Obliguèron Turk de lor dobrir lo còfre fòrt e de lor liurar los joièls. Fugiguèron sus una mòto e alavetz lo joielièr los fusilhèt.
Lo procuraire, Eric Bedos, anoncièt la dobertura d’una informacion judiciària contra Stéphane Turk per omicidi volontari e requeriguèt son assignacion a residéncia jos susvelhança electronica.
“Après son agression, lo joielièr agafèt una arma, avancèt a la cortina metallica, s’agrovèt e tirèt tres còps de fuòc. El ditz aver tirat dos còps per immobilizar l’escotèr, e un tresen còp ont auriá tirat instintivament en se sentissent menaçat”, çò expliquèt Bedos, que precisèt que “quand el tirèt, sa vida èra pas mai menaçada”.
Lo procuraire de Niça expliquèt tanben que “lo malfactor èra estat condemnat catòrze còps per un tribunal correccional”.
La victima s’apelava Anthony, èra originari de Carròs (Vencenc). Segon de declaracions de son paire a Nice Matin, sa calinhaira èra emprenhada de quatre meses. “Èra un petit delinquent, un raubaire d’escotèrs”, çò apondiá lo paire. Segon son fraire Yannick, èra un gojat plan influenciable que “vesiá tròp de besonhas a la tèle”. La familha es desolada e demanda justícia.
Mas los rets socials son confles de messatges de sosten al comerçant. Dijòus de ser qualques desenats de personas s’acampèron en sosten al joielièr. Sus Internet lo sosten es tanplan nombrós, la pagina Facebook de “sosten al joielièr niçard” a mai de 700 000 afeccionats, e una peticion en linha s’es lançada.
Aqueles faches se son debanats en un contèxt de recrudescéncia dels panatòris de joièls a la Còsta d’Azur. L’establiment, plaçat al centre de Niça, l’avián ja raubat en una autra ocasion, que trauquèron la paret per i intrar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per ieu, aquel òme es un eròi: sens dobte.
Paure òme ! a son atge far aquò ! Quina miséria !
Lo planhi
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari