Actualitats
Onze detenguts per un trafec de drògas entre Corsega e Marselha
L’enquèsta, de mai d’un an e mièg, a trobat 1 quilo de cocaïna, un desenat de pistolets e fusilhs, amb 80 000 èuros en liquid
Onze personas son estadas detengudas al País Marselhés e en Corsega, dins l’encastre d’una enquèsta sus un trafec d’estupefasents entre l’illa e la Ciutat Focèa, segon de fonts policièras.
Aquelas operacions an trobat un desenat de pistolets e d’armas sofisticadas, un quilo de cocaïna e aperaquí 80 000 èuros en liquid.
La jurisdiccion interregionala de Marselha menava las investigacions dempuèi “mai d’un an e mièg”, segon las declaracions d’un policièr a Reuters.
L’operacion desenclavèt la transaccion, dijòus passat, entre dos protagonistas jos susvelhança, un òme de qualques 30 ans e un d’aperaquí 50. “La muòla (lo que pòrta la dròga), que tornava de Marselha en vaissèu, deviá remetre un quilo de cocaïna a son crompaire qu’èra en possession d’80 000 èuros”, çò precisèt un enquestaire.
A partir d’aquí an arrestat nòu personas de mai a Bastia e Marselha, en descobrissent un desenat d’armas de ponh e de fusilhs.
“Cèrtei suspèctes son pròches dau grand banditisme còrsomarselhés, dau moment que se retròban de personas reputadas pròchas d’Ange Toussaint Federici, dich ATF, condemnat a 30 ans de preson per la tuariá dei Marronniers en abriu de 2006, o de Francis Mariani, un dei pilars de la Brisa de Mar, tuat pendent l’explosion d’un envan sus la plana orientala de l’illa en 2009”, çò precisava la meteissa font a Reuters.
Aquelas operacions an trobat un desenat de pistolets e d’armas sofisticadas, un quilo de cocaïna e aperaquí 80 000 èuros en liquid.
La jurisdiccion interregionala de Marselha menava las investigacions dempuèi “mai d’un an e mièg”, segon las declaracions d’un policièr a Reuters.
L’operacion desenclavèt la transaccion, dijòus passat, entre dos protagonistas jos susvelhança, un òme de qualques 30 ans e un d’aperaquí 50. “La muòla (lo que pòrta la dròga), que tornava de Marselha en vaissèu, deviá remetre un quilo de cocaïna a son crompaire qu’èra en possession d’80 000 èuros”, çò precisèt un enquestaire.
A partir d’aquí an arrestat nòu personas de mai a Bastia e Marselha, en descobrissent un desenat d’armas de ponh e de fusilhs.
“Cèrtei suspèctes son pròches dau grand banditisme còrsomarselhés, dau moment que se retròban de personas reputadas pròchas d’Ange Toussaint Federici, dich ATF, condemnat a 30 ans de preson per la tuariá dei Marronniers en abriu de 2006, o de Francis Mariani, un dei pilars de la Brisa de Mar, tuat pendent l’explosion d’un envan sus la plana orientala de l’illa en 2009”, çò precisava la meteissa font a Reuters.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari