Actualitats
Letònia e Lituània reconeisserián l’estat catalan
Lo ministre espanhòl dels afars estrangièrs a convocat los ambaissadors d’aqueles païses
Lo ministre espanhòl dels afars estrangièrs, José Manuel García-Margallo, a convocat uèi los ambaissadors de Letònia e Lituània, pr’amor de las declaracions dels primièrs ministres de lors païses en favor de l’autodeterminacion de Catalonha.
Lo primièr ministre de Lituània, Algirdas Butkevičius, qu’a l’ora d’ara presidís l’Union Europèa, declarèt divendres passat que cada país “deu trobar son camin pròpri” e qu’a “drech a l’autodeterminacion”, per rapòrt al procès independentista de Catalonha. Aquelas declaracions seguissián las del primièr ministre de Letònia, Valdis Dombrovskis, que diguèt que lo govèrn espanhòl deviá analisar las opcions de l’independéncia de Catalonha. Dombrovskis respondèt que son país auriá pas cap de problèma per reconéisser lo nòu estat catalan: “se i a la legitimitat al procès, perqué pas?”
Lo ministre espanhòl a apelat l’ambaissadora lituana, Audra Plepytė, a 9h30, e l’ambaissador leton, Janis Echemanis, a 12h30. Segon de fonts del ministèri espanhòl, s’agís d’una iniciativa personala del ministre espanhòl que vòl que los diplomatas de Lituània e Letònia esclarziscan lo contèxt e las rasons que donan per justificar lors manifestacions. Segon aquelas fonts, Margallo remembrarà als ambaissadors las nòrmas d’intrada dins l’Union Europèa e l’encastre constitucional espanhòl.
Lo primièr ministre de Lituània, Algirdas Butkevičius, qu’a l’ora d’ara presidís l’Union Europèa, declarèt divendres passat que cada país “deu trobar son camin pròpri” e qu’a “drech a l’autodeterminacion”, per rapòrt al procès independentista de Catalonha. Aquelas declaracions seguissián las del primièr ministre de Letònia, Valdis Dombrovskis, que diguèt que lo govèrn espanhòl deviá analisar las opcions de l’independéncia de Catalonha. Dombrovskis respondèt que son país auriá pas cap de problèma per reconéisser lo nòu estat catalan: “se i a la legitimitat al procès, perqué pas?”
Lo ministre espanhòl a apelat l’ambaissadora lituana, Audra Plepytė, a 9h30, e l’ambaissador leton, Janis Echemanis, a 12h30. Segon de fonts del ministèri espanhòl, s’agís d’una iniciativa personala del ministre espanhòl que vòl que los diplomatas de Lituània e Letònia esclarziscan lo contèxt e las rasons que donan per justificar lors manifestacions. Segon aquelas fonts, Margallo remembrarà als ambaissadors las nòrmas d’intrada dins l’Union Europèa e l’encastre constitucional espanhòl.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Bona nuèch. Francament, es tant polida qu'aquò l'Union Europèa? Divèrses païses son pas gaire preissats de passar a l'èuro e en veire cossí son estats "salvats" Grècia, Itàlia, Irlanda, Portugal e Espanha val probable mai ne demorar defòra (coma Soïssa per exemple) per poder servar lo contraròtle de la moneda e jogar lo cambi quand conven... e sens aver de seguir lo diktat economic d'Alemanha e de la banca europèa e mai mondiala... Senon, cal legir l'article sus Vilaweb d'Alfons López Tena qu'explica plan las divèrsas rasons qu'an los estats europèus de fòrabandir pas Catalonha de l'Union Europèa e mai o faguèssen seriá quicòm mai de la sortir de l'èuro e de divèrses dreches aquesits... Cal veire qu'Espanha e sa marrida fe institucionala se son cremadas a nivèl europèu... çò qu'explica en part las declaracions de Letònia e Lituània... Bona nuèch!
Eths Catalans que saben plan çò que vòn ,que vòn er'independencia Mès que i a ua contrapartida e'th president dera generalitat Artur Mas qu'ac sap de plan .Si Catalonha deviè un estat, automaticament que sòrt der'Union Europenca pormor que deviè un estat naveth e que'u cau hèr totas eras formanlitas obligatòrias entà aderir ar'union ,mès que i a un problèma deths bèths se un estat der'union hica eth suè "véto" ar'entrada d'aqueth naveth pais ,jamès aqueth pais n'entrara en er'union europenca e tà çò que sabi Espanha que hicara eth suè "véto" contra er'entrada de Catalonha en er' union europenca aquerò qu'ei segur .
#3 Jamai los catalans an parlat de far de Catalonha un estat fòra de l'Union europea !
Letonia e lituania que vòn arreconeixer er'independencia de Catalonha qu'ei plan. Mès er'Union Europenca non vòu pas d'aquera independencia e qu'a avisat ar'generalitat que er'independencia vòu diser, sortida der'union ,tornar ath passapòrt,e'ra fin deths credits e deths fonds comunautaris.Sèi pas si eths Catalans mesuran de plan aqueth ahèr? entad eths qu'arrisca d'estar un drin mauaisit eth loè avier.
Mercés per aquela bèla pròva de solidaritat internacions. Aürosament que i son de nacions onèstas que se recòrdan d'ont vènon e que d'autras passan per lo meteis chamin !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari