Actualitats
Los nazis de l’Alba Daurada, implicats en l’assassinat d’un cantaire grèc
Pavlos Fyssas, un cantaire de rap d’esquèrra de 34 ans, moriguèt escotelat dimècres de matin a Atenas. Segon de fonts policièras, l’òme foguèt assautat per un grop d’aperaquí vint individús d’ultradrecha en un cafè e, sembla qu’en seguida d’una discussion sus lo fotbòl, foguèt agredit amb divèrsas coteladas. Menat sul pic a l’espital, moriguèt.
La polícia escorcolhèt los burèus del partit neonazi de l’Alba Daurada (Chrysi Avgi) e i detenguèt un òme de 45 ans. Segon lo jornal Ekathimerini, lo detengut a admés èsser l’autor de l’assassinat e un simpatizant de l’Alba Daurada.
Fyssas fasiá partida de la scèna hip-hop grèga dempuèi 1997 amb lo nom artistic de Killah P.
La polícia escorcolhèt los burèus del partit neonazi de l’Alba Daurada (Chrysi Avgi) e i detenguèt un òme de 45 ans. Segon lo jornal Ekathimerini, lo detengut a admés èsser l’autor de l’assassinat e un simpatizant de l’Alba Daurada.
Fyssas fasiá partida de la scèna hip-hop grèga dempuèi 1997 amb lo nom artistic de Killah P.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Amb los faiscistas, la règla es de las simplassas : se los desrengas, o t'escapas o crèbas. Qual ne vòl ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari