Dissabte passat que s’obrí a Tolosa lo catorzau hestenau Occitània, organizat per l’IEO dens la Hauta Garona. Augan que’s debana deu 21 de seteme au 2 de noveme.
En purmèr los partenaris institucionaus deu hestenau que l’inaugurèn: region Miegjorn-Pirenèus, comuna de Tolosa, Estat francés... Tots que s’exprimín en lenga nosta manca lo de l’Estat.
Que se’n seguí un gran passacarrèra deus cais de la Daurada dinc a la Plaça deu Capitòli dab grops de musica (cabretaires, auboissaires, batucadas, bandas) e los “totèms” de mantuns endrets (gigants de 3 o 4 mètres portats per òmis e hemnas). Los deu país tolosan qu’èran: Joan Jaurés, Pèire II d’Aragon, lo pescaire de Venèrca, etc. E tanben d’autes, vienuts de mei luenh: los asos de Beçan (Besierés), lo dragon e l’agla de dus caps de las “fòrças infernalas” de Poblenou (Catalonha).
Dens un ambient hestiu familiau, devath un cèu linde, lo seguici que la gahè tau Capitòli. Aciu qu’i èra tanben lo “Mercat d’Occitània”, dab taulèrs de libes occitans, de hardas Macarèl e d’autes poduits mei o mensh “tipics”: bièrra aranesa, galetas de sarrasin, hromatges, hitge gras, jòias artisanalas, siròps e espècias biologicas, etc. Ua minoritat de comerçants que parlavan l’occitan e qu’ac afichavan suus lors taulèrs; la màger part qu’èran en francés.
A boca de nueit, un espectacle pirotecnic e musicau de las Fòrças Infernalas de Poblenòu que devè acabar lo passacarrèra. Mes quand ac avón fenit dab los huecs d’artificis, qu’obrín las barrèras de seguretat e ua bona part deu public qu’entrè dens l’airau e qu’i dancè dab eths au son deus lors aubòis e percussions. Lo grop que cantè e que cridè tanben cançons e eslogans independentistas catalans.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Foguèri present al passa carrièra e prenguèri fòrça plaser ! Èra mai interessant que lo festenal provincialista de "Groland" a Tolosa (que se'n parlèt tant e mai dins los mèdias francimands de Tolosa ... aquò's normal pr'amor que ven de París). L'arribada del passa carrièra plaça del Capitòli foguèt un brave moment amb aquel balèti improvisat que ramosèt unes centenats de participants !!! Òsca al festenal Occitània (un festenal amb son èime, son identitat que se vira cap de publics que coneisson pas gaire la cultura occitana: aquí l'enjòc a mon vejaire !).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Foguèri present al passa carrièra e prenguèri fòrça plaser ! Èra mai interessant que lo festenal provincialista de "Groland" a Tolosa (que se'n parlèt tant e mai dins los mèdias francimands de Tolosa ... aquò's normal pr'amor que ven de París). L'arribada del passa carrièra plaça del Capitòli foguèt un brave moment amb aquel balèti improvisat que ramosèt unes centenats de participants !!! Òsca al festenal Occitània (un festenal amb son èime, son identitat que se vira cap de publics que coneisson pas gaire la cultura occitana: aquí l'enjòc a mon vejaire !).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari