Actualitats
68 mòrts e 175 ferits almens dins l’atac d’un centre comercial de Nairòbi
Lo grop jihadista Al Shabab revendica l’atac. Un grop d’individús armats es intrat dins l’edifici en tirant e en lançant de granadas indiscriminadament
68 personas al minim son mòrtas dins l’atac d’un centre comercial de luxe, nomenat Westgate, a Nairòbi, en Kenya. Tanben i a aperaquí 175 ferits. E mai i a d’ostatges en mans dels atacants. L’armada de Kenya a capitat de liberar qualques ostatges amb l’ajuda de las fòrças especialas israelianas.
Un grop d’individús armats, que segon la polícia contunhan de se batre dins lo centre, son intrats dins l’edifici en tirant e en lançant de granadas indiscriminadament, segon la cadena de television Citizen News e d’autres mèdias internacionals. Lo grop de Somalia Al Shabab, liat a Al Qaida, a revendicat aquel acte: Al Shabab pretend punir aital l’estat kenyan que sosten lo govèrn somalian.
La polícia a confirmat la detencion d’un dels assalhidors. Òm a talhat las carrièras adjacentas al centre e l’armada kenyana a assumit lo comandament de las operacions antiterroristas.
La Crotz Roja a fach una crida per que los ciutadans donen de sang, especialament a l’Espital Aga Khan, un dels mai importants de la capitala e lo mai pròche del luòc dels faches.
____
BBC: Gun battle at Kenya shopping centre
Al Jazira: Deadly gunbattle in Nairobi shopping mall
The New York Times: Gunmen Kill at Least 20 at Mall in Nairobi
Un grop d’individús armats, que segon la polícia contunhan de se batre dins lo centre, son intrats dins l’edifici en tirant e en lançant de granadas indiscriminadament, segon la cadena de television Citizen News e d’autres mèdias internacionals. Lo grop de Somalia Al Shabab, liat a Al Qaida, a revendicat aquel acte: Al Shabab pretend punir aital l’estat kenyan que sosten lo govèrn somalian.
La polícia a confirmat la detencion d’un dels assalhidors. Òm a talhat las carrièras adjacentas al centre e l’armada kenyana a assumit lo comandament de las operacions antiterroristas.
La Crotz Roja a fach una crida per que los ciutadans donen de sang, especialament a l’Espital Aga Khan, un dels mai importants de la capitala e lo mai pròche del luòc dels faches.
____
BBC: Gun battle at Kenya shopping centre
Al Jazira: Deadly gunbattle in Nairobi shopping mall
The New York Times: Gunmen Kill at Least 20 at Mall in Nairobi
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari