Actualitats
An trobat un documentari de 1934 qu’avertissiá sul perilh d’Hitler
La bobina a subreviscut a la censura, a la guèrra e a l’ocupacion nazi, desmembrada dins una doana bèlga
An trobat a Brusèlas un documentari sus Adolf Hitler dels ans 1930, qu’avertissiá ja dels perilhs de son regim. Lo filme, nomenat Hitler’s Reign of Terror(Lo Règne de Terror d’Hitler), foguèt produsit per Cornelius Vanderbilt, l’ainat d’una familha rica estatsunidenca, que voliá èsser jornalista e que vesitèt Alemanha quand Hitler arribèt al poder, en 1933.
Vanderbilt capitèt de portar secretament los imatges als Estats Units, ailà editèt lo filme, qu’aguèt plan de succès a Nòva York en 1934. Ça que la, “l’ambaissada d’Alemanha als Estats Units protestèt, e lo filme foguèt censurat e adaptat”, çò a explicat als mèdias Bruno Mestagh, lo director de las colleccions numericas dels archius cinematografics de la ciutat flamenca.
La bobina del documentari trobat acabèt dins una doana de Belgica. Probable qualqu’un aviá demandat aquel filme per lo far veire dins lo país, mas arribèt pas jamai de lo prene. Es aital que la bobina subrevisquèt a la guèrra e a l’ocupacion nazi. Dins los ans 1970 foguèt transportada als archius de Brussèlas, ont i a aperaquí 70 000 filmes. Los conservators dels archius an trobat la sola còpia del filme qu’es arribada fins als nòstres jorns.
Lo filme es estat remasterizat e se mostrarà al Musèu d’Art Modèrne de Nòva Yòrk (MOMA) en octòbre.
Vanderbilt capitèt de portar secretament los imatges als Estats Units, ailà editèt lo filme, qu’aguèt plan de succès a Nòva York en 1934. Ça que la, “l’ambaissada d’Alemanha als Estats Units protestèt, e lo filme foguèt censurat e adaptat”, çò a explicat als mèdias Bruno Mestagh, lo director de las colleccions numericas dels archius cinematografics de la ciutat flamenca.
La bobina del documentari trobat acabèt dins una doana de Belgica. Probable qualqu’un aviá demandat aquel filme per lo far veire dins lo país, mas arribèt pas jamai de lo prene. Es aital que la bobina subrevisquèt a la guèrra e a l’ocupacion nazi. Dins los ans 1970 foguèt transportada als archius de Brussèlas, ont i a aperaquí 70 000 filmes. Los conservators dels archius an trobat la sola còpia del filme qu’es arribada fins als nòstres jorns.
Lo filme es estat remasterizat e se mostrarà al Musèu d’Art Modèrne de Nòva Yòrk (MOMA) en octòbre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Avèm un esper de veire lo film tombar lèu dins lo domeni public, per lo poder veire/partejar ?
O serà l'exclusivitat del musèu ? Fa un pauc luènh, New York…
la radiera frasa vou estre ironica, mai benlèu qu'ai pas capitat. coma lei lectors dau jornalet son anticapitalistas de neissènça e que regetan la fauta de tot ço que vai mau sus lo capitalisme, me pensavi qu'un miliardari american antinazi terbola un image primari de la societat onte lo capistalisme es responsabla de tot e l'individù de ren. ieu pereu après la guèrra, cresiàu que lo comunisme maugrat seis excès que ne sabiàu pas encara l'estenduda e la portada èra preferable au capitalisme qu'èra l'encausa dei guèrras e dau mortalatge orre que veniam de viure, fins qu'au jorn que l'Union sovietica e la China comunista èran a dos dets de se faire la guèrre e que Soleitisina nos faguèt coneisse la terror d'un sistèma inuman qu'en mai dau genocidi d'una partida de sa populacion -lei borgés -faguèt morir de fam de milions de paisans que voliàn pas dau colcosa . una especulacion financiera se pot t'arroinar te fai pas morir de freg o de fam au fons de la Siberia. en mai, les progrès de ben-estre e lo nivèu de vida excepcionau qu'avèm coneigut dempuèi 1950 son enfants de la freie Marktwirtschaft, de la libra economia de mercat.... E viva la libertà, coma se canta dins lo Don giovanni de Carlo da Ponte e de Mozart
#2 Compreni pas la fin. La darrèra frasa, e la cau préner au purmèr degrat o com ua ironia?
Aquò dit, George Patton qu'èra lòc-tenent en 1934 e wikipedia ne parla pas de har la guèrra a Stalin.
a n aquesta epoca, leis americans se remetiàntot just de la grossa depression de 1929, degun pensava a una guèrra possibla, lo generau Patton devià èstre encara coronèu e oblidèm pas que leis Estats-Units rintrèron dins lo conflit e declarèron la guèrra a l'Alemanha soncament après l'ataca japonesa de Pearl Harbor au mes de desembre 1941. mai eis egau, aqueu documentari fach per un capitalista miliardari ei premonitori quasiment profetica. vau mai un capitalista yankee qu'un proletari nacionau-socialista
I avèva ad aqueste periòde, ua luta entre los Americans qui volèvan hèr la guèrra a Hitler, los qui volèvan la hèr a Stalin (generau Patton) e los qui volèvan la patz. Se son batuts a trucs de propaganda de tota, i comprés un dessenh animat on le gran maishan lop èra Hitler.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari