Actualitats
Los noms del govèrn francés se sabon
Lo ministèri de l'egalitat dels territòris e del lotjament es estat fisat a Cécile Duflot (EELV)
La composicion del govèrn francés de Jean-Marc Ayrault, èx-cònsol de Nantas, foguèt publicada arser pel secretari general de l'Elisi, Pierre-René Lemas.
Cécile Duflot, per ara secretària generala d'EELV, es estada nomenada ministra de l'egalitat dels territòris e del lotjament. Serà ela l'encargada de repensar la reforma territoriala de Nicolas Sarkozy. Caldrà èsser a l'agach de quin programa seguís: lo del sieu partit o lo del cap del govèrn (PS). EELV prepausèt dins lo sieu programa electoral una reforma de la Constitucion, de reorganizacions regionalas segon las culturas autoctònas, un avançament cap a un modèl d'estat federal.
Lo govèrn es compausat per tantes d'òmes coma de femnas. Ça que la, la paritat d'originas culturalas es pas la meteissa, e mai ajan integrat de mond d'origina extraexagonala e los bretons sián pro representats. La majoritat son parisencs.
Demest los ministres titulars e delegats causits, i a lo tolosan Kader Arif, encargat dels ancians combatents; Jerôme Cahuzac, de Naut Agenés, ministre delegat al budgèt; e Nicole Bricq, de La Ròcha Focaud (Òrta e Tardoira) exilhada en region parisenca, al ministèri d'ecologia.
Demest los ministres titulars e delegats causits, i a lo tolosan Kader Arif, encargat dels ancians combatents; Jerôme Cahuzac, de Naut Agenés, ministre delegat al budgèt; e Nicole Bricq, de La Ròcha Focaud (Òrta e Tardoira) exilhada en region parisenca, al ministèri d'ecologia.
Los sòus dels ciutadans de la Republica francesa seràn a las mans de Pierre Moscovici, filh d'una familha d'esquèrra josieva, amb una longa carrièra al PS.
Lo catalan Manuel Valls es lo ministre de l'interior, e demest las siás responsabilitats i aurà la gestion de la fin de l'activitat d'ETA amb Jorge Fernández Díaz, ministre de l'interior espanhòl, qu'es, el tanben, catalan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo jornalet fa un sondatge per saber si los lectors senton la crisi e son 72%
a respondre de òc.
Sembla qu'aquel govèrn amb sos 34 ministres e una molonada de secretari d'estat,
aja gaire sentit la crisi.
Amai se lo salari dels ministres merman, per nosautres costarà mai car...
Na Cécile Duflot nomentada ministra de l'egalitat dels territòris !!!!
Egalitat dels territòris!!!!
Quand sosqui que lo programa de n'Eva Joly disiá:
"Une nouvelle organisation de la France sur un MODÈLE FEDERAL DIFFERENCIÉ, avec une régionalisation renforcée : octroi à la Région
de compétences normatives et d’une large autonomie fiscale, la péréquation
financière étant assurée par l’État sous le contrôle d’un Sénat
rénové. Les langues régionales seront officiellement reconnues."
Pagina 47
http://evajoly2012.fr/files/2012/02/projet-evajoly-final1.pdf
Se parlava pas d'egalitat dels territòris sus una basa d'uniformitat. Se preparava una regionalizacion diferenciada, es a dire la possibilitat per d'unes territòris de prendre compreténcias qu'èra fins alara las de l'estat. Es tot lo contrari d'una egalitat dels territòris. L'idèa èra que se d'unas regions occitanas volián prendre competéncias per la santat o l'educacion o podián far.
L'egalitat, dins l'encastre d'aquesta "république" liberticido-linguicidària es çò revèrs. Jos la masqueta de l'egalitat, es l'asserviment a l'estat qu'es organisat.
Mas bon! Per un cadieral de ministra, caliá pas res esperar d'una franchimanda, e parisenca per subrecarga. I a pas cap de riscs que faga trantalhar la "république". Ja l'an domdada!
Soi descorat mas pas susprés de segur.
Veirem çò qu'aquò donarà mas ja l'escenari es escrit e lo coneissem totes.
Pas res a esperar d'aquel governament que me sembla tant francista coma los precedents...
Jorge Fernández Díaz es pas catalan!!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari