Actualitats
Torna la Fèsta de la Catinon amb un programa estrambordant
A l’entorn del personatge creat per Carles Molin, Sant Lis aculhirà del 4 al 6 d’octòbre de concèrts, de balètis, de teatre e una taulejada
Del 4 al 6 d’octòbre que venon se debanarà a Sant Lis (Gasconha Tolosana) la 19a Fèsta de la Catinon, a l’entorn del famós personatge creat per Carles Molin.
Ongan cal soslinhar la participacion de la cantaira aranesa Alidé Sans e del musician tolosan Manu Isopet. Al delà lo teatre aurà un ròtle màger, non solament amb las aventuras de Catinon e Jacotin, mas tanben amb l’Estanquet, la Rampa-Tiò e Rugby Club Village amb Claudi Alranc. Cal pas mancar tanpauc la taulejada, e los cresents poiràn anar a la messa en occitan.
L’associacion País de Catinon e Jacotin (Païs de Catinou e Jacouti), creada en 1995, celèbra cada an la primièra dimenjada d’octòbre aquela fèsta, e a promogut d’un biais estrambordant la lenga occitana al parçan amb una creissença importanta de la seccion d’occitan dins las escòlas de la vila.
Exclusa del Festenal Occitània
Los organizaires de la fèsta d’aquela figura emblematica del borlesc tolosan, que cada an s’èra debanada dins l’encastre del Festenal Occitània, an plangut qu’ongan siá estada exclusa. Dins aquel sens, Patrick Lasseube, secretari de l’associacion, a mandat una letra dobèrta a l’organizacion del Festenal Occitània per mostrar son planh.
De son costat, lo director del Festenal Occitània, Joan-Pau Becvòrt, diguèt a Jornalet qu’auriá programat amb plaser la Fèsta de la Catinon dins lo festenal qu’el dirigís, mas qu’a recebut pas cap de telefonada dels organizaires de la fèsta, “que son quitament pas anats a cap de reünion” del festenal tolosan.
Ongan cal soslinhar la participacion de la cantaira aranesa Alidé Sans e del musician tolosan Manu Isopet. Al delà lo teatre aurà un ròtle màger, non solament amb las aventuras de Catinon e Jacotin, mas tanben amb l’Estanquet, la Rampa-Tiò e Rugby Club Village amb Claudi Alranc. Cal pas mancar tanpauc la taulejada, e los cresents poiràn anar a la messa en occitan.
L’associacion País de Catinon e Jacotin (Païs de Catinou e Jacouti), creada en 1995, celèbra cada an la primièra dimenjada d’octòbre aquela fèsta, e a promogut d’un biais estrambordant la lenga occitana al parçan amb una creissença importanta de la seccion d’occitan dins las escòlas de la vila.
Exclusa del Festenal Occitània
Los organizaires de la fèsta d’aquela figura emblematica del borlesc tolosan, que cada an s’èra debanada dins l’encastre del Festenal Occitània, an plangut qu’ongan siá estada exclusa. Dins aquel sens, Patrick Lasseube, secretari de l’associacion, a mandat una letra dobèrta a l’organizacion del Festenal Occitània per mostrar son planh.
De son costat, lo director del Festenal Occitània, Joan-Pau Becvòrt, diguèt a Jornalet qu’auriá programat amb plaser la Fèsta de la Catinon dins lo festenal qu’el dirigís, mas qu’a recebut pas cap de telefonada dels organizaires de la fèsta, “que son quitament pas anats a cap de reünion” del festenal tolosan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#7
Çò vertat tanben, es que lo festenal Occitània prepausa pas ''un catalòg'' de TOTAS las manifestacions culturalas occitanas que se fan dins Nauta Garona entre setembre e novembre. Es pas perque lo club occitan de Pampaligòssa fa un manifestacion occitana (importanta o pas) a aquel moment, que cal que figure OBLIGATORIAMENT dins lo libreton del festenal Occitània. Apuèi, cresi qu'es un afar de partenariat, de moneda o de carta del festenal que cal respectar. E puèi, cal pas aver paur tanben de contactar los organisators coma o a escrich Claudi. Lo telefòne, aquò existís (o mandar un @ tanben).
Mas soi d'acòrdi amb tu per dire que l'associacion de Catinon es capabla de margar sa comunicacion de son costat sense los libres programas del festenal Occitània. Mas val mai botar son temps a se trachar d'aquò, puslèu que de passar son temps a romegar.
#4 ço qu'es vertat tanben, es que i a d'eneviments occitans dins lo departament de Garona-Nauta que son pas dins la programacion del festenal Occitània del fach de la dificultat de trabalhar amb los programators del festenal.
Quand dises "'es mai aisit de trabalhar amb de partenaris que son pas occitanistas (mas aquò es pas una suspresa per ieu)" podes èsser segur que plan monde plaçan los bailes del festenal dins la categoria "occitanista".
Enfin, cal arrestar de dire qu'es malaisit de trabalhar amb los occitanistas e que los autres serian dubèrts e eficaces. Coma pertot, aquo depend de las personas. O alara val melhor crevar los darrièrs occitanistas.
Aprèp, lo festenal Occitània se bastiguèt longtemps en s'apiejant sus ço existent per far montar la salsa. S'apiegèt tanben sus la Catinou. Ara, se ne volon pas mai... s'aquo fa pas pro intellectual o que te sabi io... se pensan que lo festenal a pas mai besonh d'aquela fèsta... lo festenal passarà abans la Catinou e pensi pas que los de Sent Lis ajan besonh de plorar : quina part de lor public ven gràcia als librotàs mirgalhat d'una tomata transgenica olandesa e d'un lemon de Menton ?
#5
Avètz internet ? Doncas avètz tanben lo telefòne. Puslèu que de repapiar de longa e de voler pas compréner las causas, apelatz l'organisator del festenal Occitania o enviatz-lor un corrièl. Serà mai simple e subretot mai intelligent.
L'associacion País de Catinou estèc fòrça suspresa de descobrir le programa deu Hestenau Occitània 2013 encara un còp.
La hèsta de la Catinou existís pas !!!
Per la hèsta de la Catinou, i a pas res notat maugrat un programa clarament occitan e qualitadós.
Que cadun prenga las sivas responsabilitats : malivolença o incompeténcia, le resultat es que plombatz las nòstas activitats. Mercés encara un còp le hestenau Occitània !
Vertat es qu'aimatz pas le succès popular de la Catinou, cau créser, pr'amor la hèsta de la Catinou patisquèc en 2009 e desapareguèc en 2011 deu programa.
La vòsta programacion es pagalhosa e hugís trop soent çò de popular. Vos embarratz de tròp dins un ghetto, nosauts cèrcan a tocar le mès de gents possible.
E digatz pas que sabètz pas ! i a quasi vint ans que se hè e la Catinou es una de la manifestacion occitana qu'atraça le mès de monde en Tolosan. Diguns mos a pas demandat res endeu programa.
Mercés ende la promocion de la cultura occitana ! mercés endeus 150 pichons de l'escòla bilingua ! Urosament que le Jornalet existís.
Nicolau Rei Bèthvéder,
Vice president de l'associacion Catinou e occitanista !
#1
E alara, cossí fan los autres partenaris del festenal Occitània (e n'i a fòrça !) ? Cresètz qu'an pas una vida de familha benlèu ? Lo libret programa del festenal Occitània es pas una publicacion o una jornal d'informacion per anonciar totes los eveniments de la cultura occitana dins lo ròdol de Tolosa entre setembre e novembre (se que non, i auriá encara mai de paginas amb Nadau a Odyssud Blanhac per exemple ...). Coma per quin festenal que siague, i a una carta entre partenaris e la cal respectar. Mas coma sovent, ai l'impression qu'es mai aisit de trabalhar amb de partenaris que son pas occitanistas (mas aquò es pas una suspresa per ieu).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari