Los australians cambiaràn de campion en NRL, que l’esquipa de Melbourne s’es faita eliminar sus sa pelena pels Chivalièrs de Newcastle: 18-16. Lo quatren qualificat es Manly, venceire de Cronulla 24-18. Las mièjas finalas opausaràn divendres los Lapinons e Manly e dissabte, partida entre los Pols-Roosters e Newcastle.
En Superliga, la logica foguèt respectada: Hull FC faguèt pas un plec fàcia als Gigants d’Huddersfield. Joguèron sens èime (èra plan la pena d’eliminar los Dracs!) e prenguèron un espantant 76 a 18!
Per contra, Leeds-St Helens foguèt indecís fins a la darrièra minuta e un tombat de MacGuire per permetre als Rinocèros de passar en mièja finala e de mandar los Sants en infèrn: 11-10. Per un punt.
Warrington, melhor classat dels qualificats del primièr torn de las pelhòfas, aviá lo dreit de causir son adversari. Operacion complicada que de costuma lo causit se pren las èrnhas de se veire designat coma victima probabla. E los Lops an optat per l’afrontament amb los primièrs de la fasa de classament: Huddersfield (partida: dijòus a 21h). En consequéncia, la segonda mièja finala serà tanben un grand classic entre lo venceire de la Copa d’ongan e lo campion actual: Wigan-Leeds (divendres a 21h).
Las quatre mièjas finalas d’Euròpa e d’Oceania seràn retransmesas en dirècte sus BeinSport.
A l’ostal, èra la represa del campionat d’Elèit. Dissabte, Limós agèt totas las penas del monde per escartar, mercé a un còp del capèl de Matieu Mayans, la jove formacion dels Laupards d’Aquitània de Vilanuèva: 32-30.
A Domèc, l’AS Carcassona entamenèt fòrça plan la partida fàcia als Dragonets amb lo parelh Gressèque-Aitken a la manòbra. A la pausa, los locals menavan 19-0. Mas dins lo segond temps, la maquina se desreglèt e los Dracs incorporats a la formacion resèrva acabèron per faire plegar los canaris: 28-23.
Dimenge, jos una calor estivenca e sens un buf de vent, Lesinhan prenguèt la mesura d’una formacion avinhonenca plan jogaira: 34-22. A la darrièra minuta, los Verds e Blancs temptèron una penalitat per privar los vesitaires del bònus defensiu. Aquel bònus es una innovacion de l’an: un punt al classament per las esquipas que pèrdon per mens de tretze punts d’escart.
Enfins, sus sa pelena, Palau descobriguèt lo naut nivèl e opausèt una bona resisténcia a Tolosa: 38-18.
La dimenjada qu’arriba, veirà dissabte los desplaçaments de Lesinhan a Tolosa e de Carcassona a Avinhon.
Dimenge, Vilanuèva reçauprà Palau e l’estadi de Sant Estève serà lo camp batalhièr de la confrontacion entre Dragonets e Limós.
Dissabte e dimenge, debuta del campionat d’Elèit 2 a Montpelhièr amb una dimenjada magica que permetrà una revista d’efectiu del dotzenat d’esquipas en preséncia.
Caldrà esperar la setmana seguenta per la debuta de la competicion de Nacionala 1 amb una Pola Sud que permetrà d’assistir a fòrça dèrbis de tria entre Vilagalhenc-Argon, Preissan-Lauquet, Ferrals, los Batalhièrs de Pià, Salsas, Sant Llorenç de Salanca, El Soler e Sant Martin de Crau.
Del costat d’Avinhon, s’aprepara lo rescontre França-Nòva Zelanda del 1r de novembre ont 500 mainatges seràn convidats a dançar un haka gigant sus la pelena del Pargue dels Espòrts abans la debuta de la partida. Mèfi: demòra pas mai qu’unas plaças en tribunas nòrd e sud e es doncas mai qu’urgent de reservar la seuna sul servici bilhetariá del sit Internet de la Federacion.
Alan Roch
_____
Un Haka dels tretzistas Maòris de la Nòva Zelanda de 1922.
En Superliga, la logica foguèt respectada: Hull FC faguèt pas un plec fàcia als Gigants d’Huddersfield. Joguèron sens èime (èra plan la pena d’eliminar los Dracs!) e prenguèron un espantant 76 a 18!
Per contra, Leeds-St Helens foguèt indecís fins a la darrièra minuta e un tombat de MacGuire per permetre als Rinocèros de passar en mièja finala e de mandar los Sants en infèrn: 11-10. Per un punt.
Warrington, melhor classat dels qualificats del primièr torn de las pelhòfas, aviá lo dreit de causir son adversari. Operacion complicada que de costuma lo causit se pren las èrnhas de se veire designat coma victima probabla. E los Lops an optat per l’afrontament amb los primièrs de la fasa de classament: Huddersfield (partida: dijòus a 21h). En consequéncia, la segonda mièja finala serà tanben un grand classic entre lo venceire de la Copa d’ongan e lo campion actual: Wigan-Leeds (divendres a 21h).
Las quatre mièjas finalas d’Euròpa e d’Oceania seràn retransmesas en dirècte sus BeinSport.
A l’ostal, èra la represa del campionat d’Elèit. Dissabte, Limós agèt totas las penas del monde per escartar, mercé a un còp del capèl de Matieu Mayans, la jove formacion dels Laupards d’Aquitània de Vilanuèva: 32-30.
A Domèc, l’AS Carcassona entamenèt fòrça plan la partida fàcia als Dragonets amb lo parelh Gressèque-Aitken a la manòbra. A la pausa, los locals menavan 19-0. Mas dins lo segond temps, la maquina se desreglèt e los Dracs incorporats a la formacion resèrva acabèron per faire plegar los canaris: 28-23.
Dimenge, jos una calor estivenca e sens un buf de vent, Lesinhan prenguèt la mesura d’una formacion avinhonenca plan jogaira: 34-22. A la darrièra minuta, los Verds e Blancs temptèron una penalitat per privar los vesitaires del bònus defensiu. Aquel bònus es una innovacion de l’an: un punt al classament per las esquipas que pèrdon per mens de tretze punts d’escart.
Enfins, sus sa pelena, Palau descobriguèt lo naut nivèl e opausèt una bona resisténcia a Tolosa: 38-18.
La dimenjada qu’arriba, veirà dissabte los desplaçaments de Lesinhan a Tolosa e de Carcassona a Avinhon.
Dimenge, Vilanuèva reçauprà Palau e l’estadi de Sant Estève serà lo camp batalhièr de la confrontacion entre Dragonets e Limós.
Dissabte e dimenge, debuta del campionat d’Elèit 2 a Montpelhièr amb una dimenjada magica que permetrà una revista d’efectiu del dotzenat d’esquipas en preséncia.
Caldrà esperar la setmana seguenta per la debuta de la competicion de Nacionala 1 amb una Pola Sud que permetrà d’assistir a fòrça dèrbis de tria entre Vilagalhenc-Argon, Preissan-Lauquet, Ferrals, los Batalhièrs de Pià, Salsas, Sant Llorenç de Salanca, El Soler e Sant Martin de Crau.
Del costat d’Avinhon, s’aprepara lo rescontre França-Nòva Zelanda del 1r de novembre ont 500 mainatges seràn convidats a dançar un haka gigant sus la pelena del Pargue dels Espòrts abans la debuta de la partida. Mèfi: demòra pas mai qu’unas plaças en tribunas nòrd e sud e es doncas mai qu’urgent de reservar la seuna sul servici bilhetariá del sit Internet de la Federacion.
Alan Roch
_____
Un Haka dels tretzistas Maòris de la Nòva Zelanda de 1922.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los 24 per la Copa del monde :
http://www.ffr13.fr/index.php/equipes-nationales/equipe-de-france/index.php?option=com_content&view=article&id=5901
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari