Actualitats
Destruiràn un vilatge medieval per quilhar sièis aerogeneradors en Rasés
D’arqueològs denóncian la destruccion parciala de l’ancian vilatge medieval de Sant Pèire lo Clar, a Borièja (Rasés), per i quilhar sièis aerogeneradors. Las vòlon plaçar sus una cresta desgatjada ont i a una vista magnifica sul Pic de Madrès, lo Puèg de Bugarag e lo vilatge de Borièja del bas.
En aquel endrech i a mai d’un mur e los vestigis d’una anciana glèisa romanica dels sègles XI e XII. Se tracta d’“un vertadièr vilatge medieval, fossilizat, amb de microrelèus que marcan los emplaçaments de las carrièras e los ostals”, segon de declaracions de l’arqueològ Domenge Baudreu a L’Indepéndant.
“L’interès del sit es real” segon Domenge Baudreu, del Centre d’Arqueologia Medievala de Lengadòc. Mas lo permés de construire los aerogeneradors es ja acordat, concretament sièis aerogeneradors de sièis mètres de naut.
“Jos lo pretèxt del desbartassatge, an rasat a tres quarts lo vilatge. Lo resultat es catastrofic, los ostals e los enclauses son estats rasats, los poses comolats e lo cementèri esventrat”, çò declarava al meteis mèdia, indignat, Christian Raynaud, professor d’istòria e arqueològ.
Sant Pèire lo Clar es tanben un bèlveser unic frequentat long de l’istòria per d’astronòms illustres coma Cassini, Maraldi e De Chazelles. “Lo sit a jogat un ròtle clau dins l’elaboracion de las cartas detalhadas. D’ailamondaut, se pòt observar a l’encòp lo Pic de Nore, lo Puèg de Bugarag e lo Canigó” çò remarcava Christian Raynaud per qui l’endrech merita una atencion particulara.
Lo projècte eolian es menat pel grop Alstom e es intrat dins sa fasa finala. “D’aicí a 2013 nos anam metre en rota ensems, per començar la realizacion dels accèsses”, çò expliquèt a L’Indépendant lo cònsol de Borièja, Patrice Cathala. “Es un projècte collectiu per la comuna, l’intercomunalitat e tot lo departament”, çò apondèt.
De fach, lo dorsièr eolian foguèt dobèrt fa uèch ans e faguèt l’objècte d’una enquèsta publica, ont los opausants depausèron de recorses suls eventuals prejudicis environamentals e païsatgistics, mas pas arqueologics. Après aquelas cambadas, los tribunals administratius validèron lo permés de construire.
En aquel endrech i a mai d’un mur e los vestigis d’una anciana glèisa romanica dels sègles XI e XII. Se tracta d’“un vertadièr vilatge medieval, fossilizat, amb de microrelèus que marcan los emplaçaments de las carrièras e los ostals”, segon de declaracions de l’arqueològ Domenge Baudreu a L’Indepéndant.
“L’interès del sit es real” segon Domenge Baudreu, del Centre d’Arqueologia Medievala de Lengadòc. Mas lo permés de construire los aerogeneradors es ja acordat, concretament sièis aerogeneradors de sièis mètres de naut.
“Jos lo pretèxt del desbartassatge, an rasat a tres quarts lo vilatge. Lo resultat es catastrofic, los ostals e los enclauses son estats rasats, los poses comolats e lo cementèri esventrat”, çò declarava al meteis mèdia, indignat, Christian Raynaud, professor d’istòria e arqueològ.
Sant Pèire lo Clar es tanben un bèlveser unic frequentat long de l’istòria per d’astronòms illustres coma Cassini, Maraldi e De Chazelles. “Lo sit a jogat un ròtle clau dins l’elaboracion de las cartas detalhadas. D’ailamondaut, se pòt observar a l’encòp lo Pic de Nore, lo Puèg de Bugarag e lo Canigó” çò remarcava Christian Raynaud per qui l’endrech merita una atencion particulara.
Lo projècte eolian es menat pel grop Alstom e es intrat dins sa fasa finala. “D’aicí a 2013 nos anam metre en rota ensems, per començar la realizacion dels accèsses”, çò expliquèt a L’Indépendant lo cònsol de Borièja, Patrice Cathala. “Es un projècte collectiu per la comuna, l’intercomunalitat e tot lo departament”, çò apondèt.
De fach, lo dorsièr eolian foguèt dobèrt fa uèch ans e faguèt l’objècte d’una enquèsta publica, ont los opausants depausèron de recorses suls eventuals prejudicis environamentals e païsatgistics, mas pas arqueologics. Après aquelas cambadas, los tribunals administratius validèron lo permés de construire.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
es El Madres e non *Madrès
es el Madres i no *Madrès
#4
Lo mieu messatge es que darrièr lo projècte aqueste, i a tanben las lutas politicianas e que triplament s'i cal opausar per d'evidentas rasons ecologicas, arqueologicas e de morala politica
#2 En frança que i a dus "consortiums" qui fabrican eolianas : l'un, dab Alstom, a l'entorn d'EDF e de Bouygues. L'aute a l'entorn d'Areva e de Vinci. Totas aqueras entrepresas que viven (pro plan!) de las comandas publicas, e donc deu PS quand ei au poder.
Quau ei lo ton messatge, lavetz? Que ne's cau pas oposar ad'aqueth projet per'mor que hè lo jòc deu PS a ua escala locala?
Non pas s'i opausar tanben que hè lo jòc de l'UMPS au nivèu nacionau, pensas pas?
#2 Que's pòt que lo PS aja recuperat los oposants mes ne vòu pas díser que lo projècte d'eolianas ei a sosténer e que lo sit arqueologic n'a pas d'interés.
Qu'as rason, ne cau pas simplificar.
De mei, l'oposicion eoliana-bon / nuclear-maishant qu'ei ua simplificacion tanben, contestada per mantuns. Gaitatz aquò per exemple, si vs'interessa : http://ecologie.blog.lemonde.fr/2011/07/12/l%E2%80%99eolien-francais-profite-aux-grands-groupes-du-nucleaire-et-aux-fabricants-etrangers/
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari