Actualitats
Jean Roucas se ditz victima de discriminacion
An anullat una representacion siá en seguida de mostrar sas simpatias pel Front Nacional
L’umorista marselhés Jean Roucas se ditz victima de discriminacion. Sa representacion prevista en octòbre a Gardana (País d’Ais) es estada anullada, en seguida de sa representacion dins l’universitat d’estiu del Front Nacional (FN) a Marselha, aqueste mes de setembre.
Sa pèça, Le Secret de l’abbé Taillère (Lo Secret de l’Abat Taillère), se deviá jogar lo 25 d’octòbre que ven. L’imitator, que s’estima victima de “discrimiacion”, vòl assignar la comuna en justícia.
“Perque ai solament exprimit democraticament ma simpatia per l’FN a Marselha, lei comediants de ma còla e la comuna de Gardana se son entenduts per suprimir arbitràriament la representacion”, çò a acusat Rocàs.
De son costat, de representants de la vila provençala an explicat que la representacion es pas pus possibla vist que sos productors e sos autres actors s’èran dessolidarizats de l’umorista, una causa que la comuna “apròva”, totun.
Roucas, que son nom verai es Jean Avril, a declarat que vòl crear una associacion per defendre la libertat d’expression, amb lo deputat de l’FN, Gilbert Collard.
Roucas exprimís son engatjament per l’FN
Jean Roucas, victima de discrimiacion?
Sa pèça, Le Secret de l’abbé Taillère (Lo Secret de l’Abat Taillère), se deviá jogar lo 25 d’octòbre que ven. L’imitator, que s’estima victima de “discrimiacion”, vòl assignar la comuna en justícia.
“Perque ai solament exprimit democraticament ma simpatia per l’FN a Marselha, lei comediants de ma còla e la comuna de Gardana se son entenduts per suprimir arbitràriament la representacion”, çò a acusat Rocàs.
De son costat, de representants de la vila provençala an explicat que la representacion es pas pus possibla vist que sos productors e sos autres actors s’èran dessolidarizats de l’umorista, una causa que la comuna “apròva”, totun.
Roucas, que son nom verai es Jean Avril, a declarat que vòl crear una associacion per defendre la libertat d’expression, amb lo deputat de l’FN, Gilbert Collard.
Roucas exprimís son engatjament per l’FN
Jean Roucas, victima de discrimiacion?
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 E Napoleon qu'èra còrse!
#5 "Roucas" es un faus nom que li ven dau quartier de Marselha que l'es originari, "le Roucas Blanc". Son vertadier es "Jean Avril"
Vos estugi pas que sui de tendença extrèma-gausha altermondialista. Pertant, compreni perfèitament Jan Rocàs : aquò's pas normau qu'un espectacle umoristic èsti boicotat sonque sus la basa de les opinions personalas de son autor - deu moment que l'espectacle n'enguissa pas a la violença, au racisme. Fadré pas s'estonar que n'i'n aujussin qu'ec hasussin parelh demb los occitanistas (d'alhurs, perqué pas ? Dens l'absolut, som pas mèi legitimes que non pas lepenistas). E finalament tombarem dens un monde completament intolerant demb quarantas-e-quarantas aucasions de se patacar.
Combien de nosauts aurén l'inteligença de botar per costat lurs discordanças d'opinion per díser : "sui pas d'acòrd demb vos mès me batrèi dinc au cap per que púsquitz vos exprimir "?
Sabètz çò qu'es un oximoron ? « Perque ai solament exprimit democraticament ma simpatia per l’FN ». Cossí se pòt èsser en simpatia democraticament amb un partit faiscista ? Es coma de parlar d'aiga sèca o de soleh escurós…
Le Pen es breton, Rocàs es occitan, mas per els França passa en subre de tot... Es lo processus descrich coma "l'alienacion occitana". Obliar totalament sa nacion, per lo nacionalimperialisme de l'autra nacion que vos a somés.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari