Actualitats
Polemica per l’arri verbal d’un jutge tolosan
Acusèt la comunautat gitana de “pilhar França” en tot condemnar quatre ròms a la preson
De sindicats d’avocats e de magistrats e la Liga dels Dreches Umans (LDH segon sa sigla francesa) se dison indignats per las paraulas del jutge tolosan Hervé Barrié, qu’acusèt la comunautat gitana de “pilhar França”.
Segon La Dépêche, lo jutge Barrié, president del tribunal correccional, diguèt a quatre ròms enseguits pel panatòri de coire d’un transformador: “Cresètz que vos anam daissar pilhar França aital?” e “pensatz pas que França n’a pro dels panatòris comeses pels ròms?” Aquel arri verbal se passèt lo 16 de setembre al Tribunal de Granda Instància de Tolosa, quand lo jutge los condemnèt a un an de preson en apondent: “Vaquí, i a pas mai d’impunitat per aqueles que venon raubar França”.
Los defensors del dreches umans soslinhan dins lor comunicat que “la societat espèra de sos jutges un tractament egal dels justiciables e tanben d’imparcialitat, de moderacion e de distanciacion dins l’acte de jutjar”.
Un testimòni cobèrt de l’anonimat confirmèt a l’AFP aver entendut los mots del jutge, qu’a pas res desmentit. Sollicitat per l’AFP abans una audiéncia, diluns passat de tantòst, Barrié diguèt que li èra “pas possible” de respondre a la premsa. Ça que la, lo jutge Barrié a contunhat son trabalh d’un biais “cortés, mesurat e mai que mai imparcial”, segon La Dépêche.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se non podem confiar ena imparcialitat des jutges, non i a cap de justícia
#6 Fòra-subjècte.
en 1990, lo jutge Oswald Beaudot ,porta-paraula dau sindicat de la magistratura fasià una declaracion que pogueriam egir dins "le monde" que lo jtge de vuèi avià d'oblidar la lèi presenta per ne fabricar una autra a favour dei pous febles : la femna contra lo marit, lo salariat contra lo patron e lo raubaire (volur) contra la proprietari. Aquest an , lo meteis sendicat dei jutges dins son locau -prestat per lo ministèri de la justicia - fai lo mur dei cons onte afichan lei fotos deis omes e femnas poltics que li agradan pas, emai dos paires de filha que son estadas violadas e tuadas e qu'aviàn fondat una associacion per mai de severitat... sensa comentaris
#1 «quauqu'un prononcia doas paraulas que mencionan una realitat que toca totei leis abitants !»
>> Lo jutge es aquí per jutjar, segon la lei, e pas segon «une realitat que tocaría…». Es pas aquí per far la leiçon, encora mens «l'analisi sociologic». A despassat son ròtle. Punt.
Comprengui plan que los estatjants de ton vilatge son estats enmalits per la gèina de n'aver pas mei telefòne, mès "que cresi pas que siegue estat una banda d'escandinaus", aquò qu'ei injust. Ne'n sabes pas arren, e lo pòble occitan a patit de longa d'aquesta mena d'insinuacion de la part de monde deus uelhs blaus.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari