Las comunautats mexicanas de l’estat de Tamaulipas, afectadas per l’auragan Ingrid, an recebut l’ajuda umanitària del Cartèl del Golf (CDG), una organizacion criminala principalament basada dins aquel estat frontalièr amb Tèxas e lo Golf de Mexic, çò que lo govèrn mexican a pas fach.
 
Lo CDG s’es mobilizat per liurar mai d’una tona d’aliments. Aital o mòstra un vidèo qu’an publicat sus YouTube e qu’a virat per los rets socials d’Internet. An menat los aliments en alments sèt camionetas del tipe pick-up per d’estradas e de camins vesinals, negats per l’aiga.
 
S’èra una operacion de propaganda dels narcotrafegants, a plan capitat segon los comentaris dels usatgièrs, mai que mai del temps que los criminals an fach çò que ni lo govèrn federal ni los govèrns estatals de Mexic an pas fach, e mai se los militars del país an aplicat lo plan d’ajuda a la populacion civila en cas de catastròfa.