Aqueste mes de setembre, lo Ministèri de l’Educacion grèc a anonciat brutalament que suspend 1655 emplegats administratius dins l’ensemble de las universitats de Grècia. Aquela mesura respond a una demanda del Ministèri de la Reforma de l’Administracion. Mas es impausada, ultimament, per la tròica (FMI, UE, BCE), coma condicion per prestar d’argent a Grècia pr’amor de la crisi economica.
Aital, segon Greek Reporter, suspendon d’emplecs dins divèrsas universitats d’Atenas, Tessalonica, Patràs, Creta, Ioannina e Tessàlia.
Ja doas universitats de Tessalonica cessèron de foncionar provisòriament pendent dos jorns, los 19 e 20 de setembre, a causa de la penúria de mejans.
Lo 23 de setembre, las doas principalas universitats atenencas — l’Universitat Nacionala Kapodistrias d’Atenas e l’Univeristat Nacionala Tecnologica d’Atenas— an anonciat que devon suspendre tota mena de foncionament pr’amor de las mesuras. La paralisi forçada afècta sus lo còp los corses, las activitats de recèrca, las obligacions internacionalas, l’inscripcion dels estudiants nòus e las ceremònias de remesa dels diplòmas.
Dins una declaracion publica, lo senat que dirigís l’Universitat Kapodistrias d’Atenas a explicat que “non se pòt pas acceptar coma aquò aquela insisténcia incomprensibla dels dos ministèris de l’Educacion e de la Reforma Administrativa [...], que mena dirèctament a demolir l’ensenhament superior e mai la jove generacion de Grècia, sol espèr substancial de véncer la crisi sociala e economica dins los ans que venon”.
Aital, segon Greek Reporter, suspendon d’emplecs dins divèrsas universitats d’Atenas, Tessalonica, Patràs, Creta, Ioannina e Tessàlia.
Ja doas universitats de Tessalonica cessèron de foncionar provisòriament pendent dos jorns, los 19 e 20 de setembre, a causa de la penúria de mejans.
Lo 23 de setembre, las doas principalas universitats atenencas — l’Universitat Nacionala Kapodistrias d’Atenas e l’Univeristat Nacionala Tecnologica d’Atenas— an anonciat que devon suspendre tota mena de foncionament pr’amor de las mesuras. La paralisi forçada afècta sus lo còp los corses, las activitats de recèrca, las obligacions internacionalas, l’inscripcion dels estudiants nòus e las ceremònias de remesa dels diplòmas.
Dins una declaracion publica, lo senat que dirigís l’Universitat Kapodistrias d’Atenas a explicat que “non se pòt pas acceptar coma aquò aquela insisténcia incomprensibla dels dos ministèris de l’Educacion e de la Reforma Administrativa [...], que mena dirèctament a demolir l’ensenhament superior e mai la jove generacion de Grècia, sol espèr substancial de véncer la crisi sociala e economica dins los ans que venon”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es pas la primièra universitat que tancan a Atenas. Fa temps que l'oliveda de l'Acadèmia es avalida. E abans Platon éra piéger. Al mens a aquestes los i an pas ordenat de préner un taçon de ciguda. Al temps de Socrates arrestavan pas de foncionar las universitats, arrestavan de foncionar los ensenhaires.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari