Actualitats
Estrasborg a condemnat França per perlongar la detencion preventiva de dos bascos
Es lo seten còp que la Cort Europèa dels Dreches Umans condemna l’estat francés per aquò
La Cort Europèa dels Dreches Umans, amb sedença a Estrasborg, condemnèt ièr l’Estat francés a indemnizar amb 5000 èuros Patxi Abad e Mikel Almandoz, e 2000 èuros de taxas, per aver perlongat indegudament lor detencion preventiva, segon d’informacions del jornal Naiz. Aqueles dos presumits membres d’ÈTA foguèron detenguts gaireben sièis ans fins que foguèron jutjats e condemnats per un tribunal de París.
La senténcia de la cort alsaciana se basa sus la violacion de l’article 5 de la Convencion Europèa dels Dreches Umans, que reconeis lo drech d’“èsser jutjat dins un periòde rasonable o èsser mes en libertat”. S’agís de la setena senténcia d’aquel tipe contra l’estat francés.
Patxi Abad foguèt detengut lo 4 de decembre de 2003 e passèt gaireben cinc ans, onze meses e vint e tres jorns en detencion preventiva, coma o remarca la senténcia de la Cort Europèa. Mikel Almandoz foguèt detengut cinc jorns après Abad. Foguèron jutjats amassa, mas coneguèron pas lor senténcia abans lo 26 de novembre de 2009.
Se condemnèt Abad a 10 ans de preson, e mai se lo procuraire ne demandava 8. Almandoz recebèt una condemnacion de 12 ans.
La senténcia de la cort alsaciana se basa sus la violacion de l’article 5 de la Convencion Europèa dels Dreches Umans, que reconeis lo drech d’“èsser jutjat dins un periòde rasonable o èsser mes en libertat”. S’agís de la setena senténcia d’aquel tipe contra l’estat francés.
Patxi Abad foguèt detengut lo 4 de decembre de 2003 e passèt gaireben cinc ans, onze meses e vint e tres jorns en detencion preventiva, coma o remarca la senténcia de la Cort Europèa. Mikel Almandoz foguèt detengut cinc jorns après Abad. Foguèron jutjats amassa, mas coneguèron pas lor senténcia abans lo 26 de novembre de 2009.
Se condemnèt Abad a 10 ans de preson, e mai se lo procuraire ne demandava 8. Almandoz recebèt una condemnacion de 12 ans.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Democracia entau País Basc!
E a mai d'aquò an pas lo dreit de se defendre sul jornal de vint oras, "los uèlhs dins los uèlhs" de Claire Chazal aqueles dos, coma ba faguèt lo Nanard!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari