Actualitats
Canas es la vila amb lo deute per abitant mai fòrt d’Occitània e la segonda de França
Canas es la vila amb lo deute per abitant mai fòrt d’Occitània e la segonda de l’estat francés, amb un deute per abitant de 3733 èuros, segon de donadas de 2012, publicadas dimècres passat pel Journal du Net.
Sus l’infografia presentada, se pòt remarcar qu’es la còsta mediterranèa la region mai endeutada del país.
D’autras vilas occitanas plan endeutadas son Frejús (2986 èuros per abitant), Agde (2848) e Aubanha (2746).
Per çò qu’es de las vilas amb lo deute total mai fòrt d’arunan, Marselha es en segonda posicion de tot l’estat francés, après París, amb 1 805 961 000 èuros. Son de soslinhar tanben los deutes de Niça (384 628 000 èuros), Canas (277 926 000 èuros), Montpelhièr (229 162 000 èuros), Nimes (211 989 000 èuros), Bordèu (199 086 000 èuros) e Avinhon (194 607 000 èuros).
Canas e Marselha èran ja a la segonda posicion d’aquelas listas en 2008.
Las chifras, las an extrachas dels budgets principals executats de las comunas, que lors donadas comptablas son estadas centralizadas per la Direccion Generala de las Finanças Publicas del Ministèri de l’Economia e de las Finanças. Las evolucions e las donadas per abitant, las an calculadas a partir de las donadas de las populacions fornidas per l’Institut Estatal d’Estatistica e Estudis Economics (INSEE).
Lo Journal du Net avertís, totun, qu’aquel endeutament es pas forçadament signe d’una marrida gestion. Aquò depend de l’utilizacion de l’argent, que fòrça còps es per investir o per assumir de despensas de foncionament.
Aquel estudi compta solament las vilas de mai de 20 000 abitants.
Sus l’infografia presentada, se pòt remarcar qu’es la còsta mediterranèa la region mai endeutada del país.
D’autras vilas occitanas plan endeutadas son Frejús (2986 èuros per abitant), Agde (2848) e Aubanha (2746).
Per çò qu’es de las vilas amb lo deute total mai fòrt d’arunan, Marselha es en segonda posicion de tot l’estat francés, après París, amb 1 805 961 000 èuros. Son de soslinhar tanben los deutes de Niça (384 628 000 èuros), Canas (277 926 000 èuros), Montpelhièr (229 162 000 èuros), Nimes (211 989 000 èuros), Bordèu (199 086 000 èuros) e Avinhon (194 607 000 èuros).
Canas e Marselha èran ja a la segonda posicion d’aquelas listas en 2008.
Las chifras, las an extrachas dels budgets principals executats de las comunas, que lors donadas comptablas son estadas centralizadas per la Direccion Generala de las Finanças Publicas del Ministèri de l’Economia e de las Finanças. Las evolucions e las donadas per abitant, las an calculadas a partir de las donadas de las populacions fornidas per l’Institut Estatal d’Estatistica e Estudis Economics (INSEE).
Lo Journal du Net avertís, totun, qu’aquel endeutament es pas forçadament signe d’una marrida gestion. Aquò depend de l’utilizacion de l’argent, que fòrça còps es per investir o per assumir de despensas de foncionament.
Aquel estudi compta solament las vilas de mai de 20 000 abitants.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Son plan braves, Lutz, sul jornal del net que ne parlatz, mas, se m'endeuti amb un credit a la consomacion son que pe poder acabar lo mes, aquò vòl pas necessàrament dire que preni un marrit credit. Pòt tanben significar qu'ai un salari de mèrda, un pension de retirada de mèrda, e que lo sistèmi me pren per un esclau, son que bon a trabalhar e manjar (o crebar se soi pas pro profieitós. Abans l'interdit bancari, i a lo marrit credit. Abans lo marrit credit, i a lo marrit salari que profièita a-n-aquel parasitisme que sonan "l'accionariat"…
#6 Devèm aquelas sòmas de moneda a d'organismes financièrs privats que s'embucan sul finançament de la gestion publica dempuèi que las bancas d'estats son estadas surpimidas, a lma favor d'una gestion exclusivament ultraliberala. Ne sèm aquí : los anars financièrs mondials son de mai en mai volumenoses, e la part consacrada als impòstes divèreses de mai en mai redusida en proorcion. Doncas las finanças publicas devon amb de mens en mens de moneda, en empruntant forçadament a-n-aqueles que ne gardan (e n'amolonan especulativament) de mai en mai. Constat simple, los rics son de mai en mai rics (1% de l'umanitat) e los paures de mens en mens servits, assitits, aparats e, mai que mai, de mai en mai paures (99% de l'umanitat). Cossí podèm trobar, d'aicí d'ailà, encarar gents per votar en favor d'un tal sistèmi a la proporcion d'al mens 51% CQuora podèm observar qu'es profieitós, aquel sistèmi, a son qu'un del cent de la populacion mondiala ?
Aqueras vilas qu'an deutes, ok. La mea tanben, probablament... Mes e i a quauqu'un ací qui sap a qui devem sòus?
"l’Institut Estatal d’Estatistica e Estudis Economic"...
Quina poesia!
S'èri maishant que diserí que hè pensar a panoccitan.org... Mes com ne'n soi pas n'ac diserèi pas ;-)
«Lo Journal du Net avertís, totun, qu’aquel endeutament es pas forçadament signe d’una marrida gestion. Aquò depend de l’utilizacion de l’argent, que fòrça còps es per investir o per assumir de despensas de foncionament.»
Precisament, s'es per un investiment, es pas un marrit deute (coma quand prenes un credit per te crompar un ostal)
S'es per de depensas de fonctionament, n'es un dels bèls, marrit deute ! (coma se preniás un credit a la consomacion per «acabar lo mes»)
Per França es 40 ans de marrit deute, de fonccionament, 40 ans de budjècte a perda, que nos a fotus dedins.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari