Un dels miracles de la vertadièra Euròpa modèrna, la dels òmes, es que permet lo viatge facil de las culturas. Del nordic Danemarc espeliguèt en 2010 la seria Borgen que fa lo raconte, vist de l’interior, de la vida politica e personala d’una Primièra Ministra danesa, Birgitte Nyborg (jogada per l’actritz Sidse Babett Knudsen). La seria, creada per Adam Price, es una ficcion que se vòl èsser prèp de la realitat. D’efièit lo personatge Birgitte Nyborg, per mai d’un aspècte, sembla Helle Thorning-Schmidt, cap del govèrn danés. Borgen es l’escaisnom que los daneses balhan al Castèl de Christiansborg, a Copenaga, sèti de l’ofici del Primièr Ministre. Birgitte Nyborg, politiciana centrista, es apuntada per la Reina per fargar lo nòu govèrn danés. Episòdi tra episòdi, lo telespectator es menat al dintre dels corredors dels poders politics, mediatics e economics. La practica del poder, coma pertot, es un art dificil, mas mai d’un telespectator occitan serà susprés del naut nivèl de democracia e de moralitat qu’existís en Escandinàvia, tèrra de la socialdemocracia.
La seria es ben ritmada. Los moments de la vida publica altèrnan amb los de l’intimitat e aquò permet de donar una intensitat umana als personatges. Los imatges son fisèls a la tradicion cinematografica nordica amb un brave mestritge de las pregondors de camp e sustot de l’illuminacion filmica.
Dins las Valadas, la seria passèt sus la cadena laEffe a partir de genièr de 2013. En Val d’Aran, pel moment, i a pas agut cap de programacion. Per la rèsta d’Occitània, la tresena temporada començarà d’èsser difusada a partir de uèi, dijòus 3 d’octobre, a 20h50, sus la cadena germanofrancesa Arte. Recentament, an tornat passar las doas primièras temporadas. Un episòdi destacat d’aquesta seria es lo quatren de la primièra temporada: s’i presenta amb onestat la problematica de la colonizacion de Groenlàndia e los questionaments de Danemarc a èsser encara una poténcia d’ocupacion.
Aquesta seria es a l’encòp un divertiment de bon gaitar e es tanben un espleit d’educacion. Borgen es exactament çò que se demanda d’una television qualitadosa. Es aürós que los nòstres vesins europèus nos fagan aqueste present.
Terric Lausa
La seria es ben ritmada. Los moments de la vida publica altèrnan amb los de l’intimitat e aquò permet de donar una intensitat umana als personatges. Los imatges son fisèls a la tradicion cinematografica nordica amb un brave mestritge de las pregondors de camp e sustot de l’illuminacion filmica.
Dins las Valadas, la seria passèt sus la cadena laEffe a partir de genièr de 2013. En Val d’Aran, pel moment, i a pas agut cap de programacion. Per la rèsta d’Occitània, la tresena temporada començarà d’èsser difusada a partir de uèi, dijòus 3 d’octobre, a 20h50, sus la cadena germanofrancesa Arte. Recentament, an tornat passar las doas primièras temporadas. Un episòdi destacat d’aquesta seria es lo quatren de la primièra temporada: s’i presenta amb onestat la problematica de la colonizacion de Groenlàndia e los questionaments de Danemarc a èsser encara una poténcia d’ocupacion.
Aquesta seria es a l’encòp un divertiment de bon gaitar e es tanben un espleit d’educacion. Borgen es exactament çò que se demanda d’una television qualitadosa. Es aürós que los nòstres vesins europèus nos fagan aqueste present.
Terric Lausa
BORGEN Grenlàndia from Terric Lausa on Vimeo.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Seria remarcabla que dona enveja d'èstre danés.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari