CAPÇALERA PAIS INVISIBLE

Actualitats

Lenga
crotz-tolosaCreated with Sketch.GasconhaVal d'Aran

Nèish eth Conselh de politica lingüistica der occitan aranés

Un organisme bilaterau des govèrns de Catalonha e d'Aran entà arreconéisher, protegir e promòir era nòsta lengua

| Generalitat de Catalonha




Joana Ortega, vice-presidenta deth Govèrn de Catalonha e conselhèra de Governacion e Relacions Institucionaus, e Carlos Barrera, sindic d’Aran, an presidit era dusau Comission bilaterau, a on s’ei creat eth Conselh de politica lingüistica der occitan aranés.



Eth Conselh de politica lingüistica der occitan aranés qu'ei un nau organ que nèish damb era tòca d’impulsar totes es accions de besonh entà garantir un finançament adequat e sufisent entàs politiques lingüistiques per çò qu'ei der occitan aranés. Er oranisme a tanben per tòca assegurar era coordinacion dera Generalitat de Catalonha damb eth Conselh Generau d’Aran en aguest encastre. Fin finau qu'a de hèr eth seguiment e era valoracion de toti es acòrds adoptadi. 
 


Eth Conselh de politica lingüistica der occitan aranés ei un congrès permanent que rendrà compdes des sòns trabalhs ara Comission Govèrn dera Generalitat de Catalonha–Consell Generau d’Aran. 
  
 
Era vice-presidenta, Joana Ortega, e eth sindic d’Aran, Carlos Barrera, qu'an avalorat fòrça positivaments era creacion d'aguest organisme en tot considerar-lo “un mecanisme institucionau essenciau” entà arténher es objectius generaus der Estatut e dera Lei der occitan, aranés en Aran, d'arreconéisher, protegir e promòir er occitan en toti es encastres e sectors. 

Damb aguest acòrd, alavetz, se hè un nau desplegament der Estatut d’autonomia de Catalonha, qu'en article 6.5 declare era lengua occitana oficiau en Catalonha, e tanplan dera Lei der occitan, aranés en Aran, que garantís era aplicacion d'aguesta oficialitat. Era lei que preve era creacion d’aguesta estructura paritària entre Generalitat de Catalonha e Conselh Generau d'Aran entà garantir eth finançament que cau entà politiques lingüistiques per çò qu'ei der occitan aranés. 
 


Ferriòl Macip

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Jaume Jose i Oranies Urgell e endacòm mai
1.

M'a agradat veire la foto de la composicion del Conselh de politica lingüistica der occitan aranés pr'amor qu'ai una idea de qual es dins lo Conselh e qual no.
Vesi que doas personas, al mens, son pas dins la foto:
- d'una vesi la man drecha, part de la man esquèrra e part de las lunetas per la identificar.
- de l'autra vesi pas res.
Sens dire noms, es lo cap de Politica Lingüistica dins lo Conselh de politica lingüistica der occitan aranés, siá la persona que siá qui qu'ocupe lo cargue?

  • 0
  • 0

Escriu un comentari sus aqueste article