Après una marcha musicala formala de l’armada britanica sul terren de l’estadi dels Rangers de Glasgow, un grop de soldats abilhats de caqui e brandissent d’emblèmas unionistas d’Ulster anèron a un extrèm del terren per dançar, aplaudir e cantar amb lo sector mai exaltat del public, de suportaires dels Rangers.
 
Dins lo vidèo publicat sus YouTube, e mai s’es malaisit, s’es identificat de cançons sectàrias e de cants que celèbran la mòrt del caumaire de la fam de l’IRA, Bobby Sands. Los oficials de l’armada o vegèron dempuèi lors grasas.
 
Los afeccionats de l’autra esquipa de la vila, lo Celtic, an indicat qu’una nòva lei del parlament escocés prevei l’expulsion de totes los terrens de fotbòl de las personas que canten aquelas cançons.
 
Lo Ministèri de la Defensa britanic e las autoritats escocesas an recebut mai d’un apèl de mond que se disián “chocats” per aquel espectacle “repugnant”.
 
Dissabte èra pas lo jorn de las fòrças armadas ailà, mas foguèt lo club esportiu dels Rangers que decidiguèt d’organizar aquel evenement, en acòrdi amb l’armada, abans una partida de fotbòl.