Cada annada, quand arriba l’anóncia dels sèt prèmis Nobel, que serà la setmana que ven, apareisson tot de pariatges e d’escomesas suls possibles noms dels ganhants. Dins aquel sens, la revista scientifica estatsunidenca Nautilus prepausa un elaborat jòc d’especulacion que los participants pòdon aquerir “d’accions” correspondentas a cada candidat potencial a aténher un dels prestigioses prèmis dins totas las categorias que se concedisson, levat lo de la patz.
 
Lo nomenat Nautilus Nobel Exchange se presenta coma una borsa virtuala de fantasia que los jogaires “recebon”, d’en primièr, dètz mila dolars amb l’objectiu de los despensar segon lors preferéncias demest los candidats per recebre un prèmi Nobel de fisica, de quimia, de medecina, de literatura e d’economia.
 
La cotizacion de cada candidat puja o bassa segon las especulacions dels participants, que pòdon tanben revendre las accions. A la fin, lo jogaire qu’aja mai d’accions dels ganhants definitius del Nobel ganharà un abonament annal a la revista.