Lo 25 d’agost passat tombèt lo bust del poèta occitan Frederic Mistral dins un pargue de Valéncia. Se passèt per un acte de vandalisme, segon lo jornal Las Provincias, mas poiriá èsser tombat tot sol pr’amor de l’inclinason del sòcle.
 
Segon las autoritats de la municipalitat, lo bust a de petits damatges sus la cara e sul cap e lo menèron als magazins municipals per que lo restaurèsson. A l’ora d’ara lo bust es pas encara remés sus plaça.
 
L’escultura, òbra de Lluís Bolinches, foguèt quilhada inicialament en 1933 sus la Plaça del Comte de Carlet, en 1957 foguèt levada, puèi replaçada en 1963 a l’endrech actual, als jardins nomenats Alberedetes de Serrans.