Actualitats
L’èx-prefècta de Cruesa e èx-sosprefècta de Grassa en gàrdia a vista
Ela e son marit son acusats de corrupcion e de trafec d’influéncia
Dominique-Claire Mallemanche, que foguèt sosprefècta de Grassa (País de Grassa) de 2011 a 2013, e prefècta del departament de Cruesa (Lemosin) entre febrièr e agost de 2013, es en gàrdia a vista dempuèi dimars de matin a Niça amb son marit, segon d’informacions de Nice Matin.
Mallemanche e son marit son entenduts per la division economica e financièra de la polícia judiciària dins l’encastre d’una enquèsta preliminara, dobèrta per “corrupcion passiva” e “trafec d’influéncia”, segon çò qu’expliquèt lo procuraire de Niça, Eric Bedos.
Segon lo jornal niçard, la justícia los enquèsta per de malversacions presumidas de l’epòca que Mallemanche aguèt sa carga a Grassa. Quitèt subte son pòst de prefècta del departament lemosin lo 28 d’agost passat pr’amor de desacòrdis amb los elegits, segon las explicacions oficialas, e mai s’ela parlèt d’una futura mission que lo cap de l’estat francés li deviá fisar.
Los faches que la justícia vòl investigar serián restacats als mescomptes financièrs de son marit, cap d’entrepresa. Ara per ara, ja an escorcolhat lo domicili del parelh a París.
Mallemanche e son marit son entenduts per la division economica e financièra de la polícia judiciària dins l’encastre d’una enquèsta preliminara, dobèrta per “corrupcion passiva” e “trafec d’influéncia”, segon çò qu’expliquèt lo procuraire de Niça, Eric Bedos.
Segon lo jornal niçard, la justícia los enquèsta per de malversacions presumidas de l’epòca que Mallemanche aguèt sa carga a Grassa. Quitèt subte son pòst de prefècta del departament lemosin lo 28 d’agost passat pr’amor de desacòrdis amb los elegits, segon las explicacions oficialas, e mai s’ela parlèt d’una futura mission que lo cap de l’estat francés li deviá fisar.
Los faches que la justícia vòl investigar serián restacats als mescomptes financièrs de son marit, cap d’entrepresa. Ara per ara, ja an escorcolhat lo domicili del parelh a París.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Amb lo nom que pòrta se cal pas estonar que siá una ladra
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari