Actualitats
La Ciutat a recuperat Lo Teatre d’Edèn
S’agís de la primièra sala de cinèma del Mond e a festejat sa redobertura amb una granda serada
Après 18 ans de barradura per de rasons de seguretat, an redobèrt la sala de cinèma mai anciana del Mond. Lo Teatre d’Edèn (Eden Théâtre) de La Ciutat (País Marselhés) redobriguèt sas pòrtas ièr, amb un programa dedicat al patrimòni del cinèma e a son avenir. La serada d’inauguracion comptèt amb la preséncia de nombrosas personalitats del mond del cinèma.
La serada metèt al ponch una scenografia espectaclosa, a carga de l’arquitècte marselhés André Stern, qu’evoquèt las glòrias passadas de la degana de las salas de cinèma, e mai ramentèt lo filme pionièr L’Arribada d’un Tren en Gara de La Ciutat que Louis Lumière faguèt en 1895. Juliette Binoche, mestressa de ceremònia, presentèt la projeccion d’un montatge dels filmes Lumière rodats a La Ciutat, puèi del filme On the Waterfront d’Elia Kazan, un filme restaurat per la World Cinema Foundation de Martin Scorsese.
Aquela fondacion foguèt la convidada d’onor de l’inauguracion, e contribuirà al programa de l’Edèn, en prepausant pendent un mes de rendètz-vos inedits del mond del cinèma coorganizats per las associacions localas cinematograficas: filmes restaurats, omenatge a las cinematècas mediterranèas, filmes d’archius del mond del trabalh, etcetèra.
Al delà, se prepausa un nòu festenal entitolat Crits dau Mond (Cris du Monde), una proposicion originala de J.M. Frodon que met en competicion de filmes corts sul tèma del “crit”. Aquela manifestacion se debanarà del 20 al 23 de novembre e es testimòni de la vitalitat e creativitat del cinèma contemporanèu.
La serada metèt al ponch una scenografia espectaclosa, a carga de l’arquitècte marselhés André Stern, qu’evoquèt las glòrias passadas de la degana de las salas de cinèma, e mai ramentèt lo filme pionièr L’Arribada d’un Tren en Gara de La Ciutat que Louis Lumière faguèt en 1895. Juliette Binoche, mestressa de ceremònia, presentèt la projeccion d’un montatge dels filmes Lumière rodats a La Ciutat, puèi del filme On the Waterfront d’Elia Kazan, un filme restaurat per la World Cinema Foundation de Martin Scorsese.
Aquela fondacion foguèt la convidada d’onor de l’inauguracion, e contribuirà al programa de l’Edèn, en prepausant pendent un mes de rendètz-vos inedits del mond del cinèma coorganizats per las associacions localas cinematograficas: filmes restaurats, omenatge a las cinematècas mediterranèas, filmes d’archius del mond del trabalh, etcetèra.
Al delà, se prepausa un nòu festenal entitolat Crits dau Mond (Cris du Monde), una proposicion originala de J.M. Frodon que met en competicion de filmes corts sul tèma del “crit”. Aquela manifestacion se debanarà del 20 al 23 de novembre e es testimòni de la vitalitat e creativitat del cinèma contemporanèu.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo primièr film mut del monde foguèt virat en Occitània.
Ara a pauc cambiat, i a totjorn plan pauc d'occitan al cinèma. Es de mutisme cinematografic en França a prepaus d'occitan ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari