Actualitats
L’Organizacion per la Proïbicion de las Armas Quimicas a ganhat lo Prèmi Nobel de la Patz
Lo comitat a premiat aquela entitat per lo sieu trabalh de desmantelar l’arsenal quimic e per velhar sus l’aplicacion de la convencion internacionala. Los eveniments recents en Siria an marcat lo prèmi d’ongan
Lo comitat norvegian del Prèmi Nobel a premiat ongan l’Organizacion per la Proïbicion de las Armas Quimicas (OPAQ) amb lo Nobel de la Patz “pr’amor de sos esfòrces per eliminar las armas quimicas”. La jurada remembra que pendent la Primièra Guèrra Mondiala, las armas quimicas s’empleguèron fòrça e que la Convencion de Genèva de 1925 n’enebiguèt l’usatge, “mas non pas la produccion ni l’emmagazinatge”. Aital, pendent la Segonda Guèrra Mondiala, “las armas quimicas foguèron emplegadas dins los exterminis d’Hitler, e an servit posteriorament a d’estats e de terroristas”.
En 1997 intrèt en vigor una nòva convencion que n’enebissiá tanben la produccion e l’emmagazinatge, e “tre alavetz, l’OPAQ, a travèrs d’inspeccions, de destruccions e d’autres mejans, n’a sonhat l’aplicacion”. 189 estats an aderit a la convencion fins al jorn d’uèi.
La jurada, en premiant lo trabalh de l’OPAQ, a remarcat que los eveniments recents en Siria “an soslinhat lo besonh d’aumentar los esfòrces per metre fin a aquela sòrta d’armas”. A remembrat tanplan qu’encara i a d’estats que son pas de membres de l’OPAQ e que qualques autres an pas respectat lo relambi per eliminar las lors armas quimicas. Es lo cas dels Estats Units e de Russia.
Amb aquel Nobel de la Patz, lo comitat dels Prèmis Nobel vòl “contribuir a l’eliminacion de las armas quimicas”.
En 1997 intrèt en vigor una nòva convencion que n’enebissiá tanben la produccion e l’emmagazinatge, e “tre alavetz, l’OPAQ, a travèrs d’inspeccions, de destruccions e d’autres mejans, n’a sonhat l’aplicacion”. 189 estats an aderit a la convencion fins al jorn d’uèi.
La jurada, en premiant lo trabalh de l’OPAQ, a remarcat que los eveniments recents en Siria “an soslinhat lo besonh d’aumentar los esfòrces per metre fin a aquela sòrta d’armas”. A remembrat tanplan qu’encara i a d’estats que son pas de membres de l’OPAQ e que qualques autres an pas respectat lo relambi per eliminar las lors armas quimicas. Es lo cas dels Estats Units e de Russia.
Amb aquel Nobel de la Patz, lo comitat dels Prèmis Nobel vòl “contribuir a l’eliminacion de las armas quimicas”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
S'avetz CNN e ne v'en·hastiga pas l'anglés, qu'i podetz véder a Malala Yousafzai dens ua emission qui l'ei consacrada tota, THE BRAVEST GIRL IN THE WORLD, presentada per la Christiane Amanpour.
Que s'atraça ua ovacion estanta a la fin, dab lo son pair.
Aquí monde qui s'ameritan tota la nosta admiracion.
Me sembla qu'en amont de las luchas contra las armas (quimicas, nuclearas, minas antipersonalas...) i a l'educacion dels pòbles a melhorar. Lo prèmi a L'OIAC, encara que legitim, sembla un prèmi de circonstància qu'auriá poscut esperar una annada. En revenge, los talibàns se regaudisson del resultat. E amb rason. Los prèmis d'aquesta mèna sont las resultas tant de moviments PER que de lòbis CONTRA. E cossí imaginar pas que los reis del petròli, obscurantistas de campionat e qu'an de mejans incommensurables, an pas fach çò que cal per desviar la mira de la que reclama l'egalitat de drech a l'educacion per las filhas? Sèm ja plan acostumats a veire nòstres dirigents plegar l'esquina davant los capricis d'aquel mond. Èren de centenats de milièrs a aver signat la peticion per lo prèmi Nobel a Malala Yousafzai. Mas qué val aquò contra los petrodolars? Resultat: l'egalitat davant lo drech a l'educacion entre femnas e òmes espararà...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari