Una còla internacionala d’astronòms a descobèrt una jove planeta qu’orbita pas a l’entorn de cap d’estela mas que flòta liurament. Los expèrts an explicat que la planeta, qu’an nomenat PSO J318.5-22, se formèt fa 12 milions d’ans, que se tròba a 80 ans lutz de distància de la Tèrra e que sa massa es de sièis còps la de Jupitèr.
A de proprietats similaras a aquelas de las planetas gigantas gasosas qu’orbitan a l’entorn de las estelas joves, mas per contra, PSO J318.5-22 se bolega tota soleta, sens una estela maire.
“Pas jamai abans s’èra vist un objècte flotant liurament dins l’espaci coma aquò. A totas las caracteristicas de las planetas pichonas que se tròban a l’entorn d’autras estelas, mas es a la deriva, tota sola”, çò expliquèt un dels caps de l’estudi, Michael Liu.
Segon çò qu’expliquèt l’autor del trabalh, publicat dins Astrophysical Journal Letters, amb las observacions d’aquel objècte nòu s’atenherà “una vision meravilhosa sul foncionament intèrne de las planetas gasosas gigantas après lor naissença”.
A de proprietats similaras a aquelas de las planetas gigantas gasosas qu’orbitan a l’entorn de las estelas joves, mas per contra, PSO J318.5-22 se bolega tota soleta, sens una estela maire.
“Pas jamai abans s’èra vist un objècte flotant liurament dins l’espaci coma aquò. A totas las caracteristicas de las planetas pichonas que se tròban a l’entorn d’autras estelas, mas es a la deriva, tota sola”, çò expliquèt un dels caps de l’estudi, Michael Liu.
Segon çò qu’expliquèt l’autor del trabalh, publicat dins Astrophysical Journal Letters, amb las observacions d’aquel objècte nòu s’atenherà “una vision meravilhosa sul foncionament intèrne de las planetas gasosas gigantas après lor naissença”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
quand aquesta planeta giganta e gasosa se serà rafrescada, que li aurà d'oceans e puei de tèrras ,de montanhas, de vida animala e d'australopitècs que li viuràn e que faràn una evolucion pariera a la nostra, me pensi qu'a quauquei legas de profondor entre lei rocas de chista restarà encar'n pauc de gas primitiu e entanterin,coma,sus la superficia vendrà aurà proliferat la raça deis ecologistas e deis adorators dau principi de precaucion ( dins la constitucion, SVP) e es alora, an aqueu moment que tot se degalharà
#1 Non. La negacion dins aqueste article es corrècta.
"Pas jamai abans s’èra vist un objècte flotant liurament dins l’espaci coma aquò.": lo "pas" qu'ei de tròp --> "Jamai abans s'èra vist..." Tanben: "Jamai abans s'èra pas vist".
Autament, mercés a Jornalet de'ns har, de quan en quan, saunejar a mondes luenhècs.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari