Tèxte legit
Lo candidat del Front Nacional (FN), Laurent Lopez, a ganhat las eleccions cantonalas a Brinhòla amb 53,91% dels vòtes contra lo 46,09% de Catherine Delzers (UMP).
Los autres partits foguèron eliminats al primièr torn, mas cridèron de votar UMP per far barratge a l’FN. S’agís del dich “front republican”, qu’es pas estat pro per evitar l’arribada de l’ultradrecha al canton de Brinhòla. De fach, Lopez aviá ja ganhat lo primièr torn amb 40,4% dels vòtes, amb una abstencion fòrça nauta de 67%.
Aquel canton, ont en 2012 ganhèt l’esquèrra e ont lo PS aviá quitament sostengut los comunistas, deviá tornar far las eleccions cantonalas, après que lo Conselh d’Estat las aguèsse anulladas. Tota l’atencion del país, e quitament de l’estat francés, s’èra centrada sus aquel vòte, coma s’èra un sondatge, a causa de l’evidéncia de la creissença del vòte ultradrechista.
Cal dire tanben que la drecha de l’UMP es devesida quant a l’actitud que cal prene per rapòrt a l’avançada de l’FN. Fa gaire, l’èx-primièr ministre François Fillon, una de las principalas figuras de l’UMP, comparèt lo partit ultradrechista amb lo Partit Socialista (PS), e diguèt qu’en cas que calguèsse causir entre un candidat de l’FN e un del PS, caldriá votar pel “mens sectari” dels dos.
“Tota França s’enduresís”, çò disiá a Le Monde Diplomatique Dominique Reynié, lo pensaire de drecha autor d’un libre sus novèls populismes, que serà publicat en novembre.
Los autres partits foguèron eliminats al primièr torn, mas cridèron de votar UMP per far barratge a l’FN. S’agís del dich “front republican”, qu’es pas estat pro per evitar l’arribada de l’ultradrecha al canton de Brinhòla. De fach, Lopez aviá ja ganhat lo primièr torn amb 40,4% dels vòtes, amb una abstencion fòrça nauta de 67%.
Aquel canton, ont en 2012 ganhèt l’esquèrra e ont lo PS aviá quitament sostengut los comunistas, deviá tornar far las eleccions cantonalas, après que lo Conselh d’Estat las aguèsse anulladas. Tota l’atencion del país, e quitament de l’estat francés, s’èra centrada sus aquel vòte, coma s’èra un sondatge, a causa de l’evidéncia de la creissença del vòte ultradrechista.
Cal dire tanben que la drecha de l’UMP es devesida quant a l’actitud que cal prene per rapòrt a l’avançada de l’FN. Fa gaire, l’èx-primièr ministre François Fillon, una de las principalas figuras de l’UMP, comparèt lo partit ultradrechista amb lo Partit Socialista (PS), e diguèt qu’en cas que calguèsse causir entre un candidat de l’FN e un del PS, caldriá votar pel “mens sectari” dels dos.
“Tota França s’enduresís”, çò disiá a Le Monde Diplomatique Dominique Reynié, lo pensaire de drecha autor d’un libre sus novèls populismes, que serà publicat en novembre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tant qu'en França, la question nacionala occitana, catalana, basca, còrsa, bretona, flamanda e alsacianomoselana serà un tabo, aurèm de reaccions politicas criptonacionalas occitana, catalana, ecc. aital. Lo nacionalisme lo mai pròche per qualqu'un de la França de'n bas e lo mai visible es aquel nacionalimperialista francés.
http://www.p-n-o.org/alienationprov.htm
e
http://sd-1.archive-host.com/membres/up/50837903053546368/Lugarn_n_105.pdf
en particular :
Brinhòla e apuèi ? Çò pièger, aquò's que d'unas personas que l'occitan lor agrada son a mand de votar pel FN e lor idèias anti-occitanas (véser lo vòte passat del rapòrt Alfonsi al parlament europèu que lo FN e Merlusson votèron contra), mas tanben contra la cultura, la libertat d'expression e tota mena de democracia de tot biais. Cossí èsser tan desesperat e creire que lo FN siá la solucion mentre qu'es pas qu'una engana fin finala ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari