Actualitats
Lo NACNUR demanda la collaboracion internacionala per evitar mai de naufragis tragics en Mediterranèa
Lo cap del Naut Comissariat de las Nacions Unidas pels Refugiats (NACNUR), Antonio Guterres, reclamèt dissabte passat una collaboracion mai granda entre los païses per aumentar la vigilància e la capacitat de salvament en Mediterranèa, e aital poder identificar los vaissèls en dificultats, mai que mai los que pòrtan de refugiats e d’immigrants. Guterres mostrèt son “emocion” per “una nòva tragèdia”, en referéncia al naufragi de divendres passat.
Lo NACNUR a felicitat “l’accion conjoncha” dels gardacòstas de Malta e de la marina italiana, qu’ensems salvèron mai de 200 personas. Pasmens, los subrevivents parlan d’almens 400 personas que viatjavan dins la barcassa, e totes venián de Siria e Palestina.
“Es la tresena tragèdia d’aquelas caracteristicas en Mediterranèa en solament doas setmanas. Es vergonhós d’èsser los testimònis de cossí de centenats d’immigrants se negan a las pòrtas d’Euròpa”, çò soslinhèt Guterres, del temps qu’exprimissiá son chepic per la situacion dels immigrants sirians “que riscan lor vida en mans de trafegaires e de contrabandièrs dins lor ensag d’arribar salves e segurs en Euròpa”
Divendres passat de nuèch, dos vaissèls, amb 183 e 83 passatgièrs respectivament, foguèron salvats près de la Lampedosa, ont i a ja 785 refugiats d’aculhits. Aquela chifra compren los 156 subrevivents del naufragi del 3 d’octòbre passat, que s’es recuperat 359 cadavres. Es davant aquela situacion que Guterres reclama “de mesuras urgentas” per metre fin a aquelas tragèdias, coma l’identificacion de luòcs segurs pel desembarcament e salvament dels refugiats e emigrants, e mai la collaboracion internacionala per identificar e enseguir las personas implicadas en lo trafec de refugiats e emigrants, e tanben la collaboracion internacionala per identificar e enseguir las personas implicadas dins lo trafec de personas.
Lo NACNUR vòl que s’abilite mai de luòcs d’aculhença en Malta e en la Lampedosa e que se melhore las condicions dels luòcs ja existents, amb accès a l’assisténcia medicala. Considèra tanben que cal que se procedisca al registre e a l’identificacion dels subrevivents, e mai que se lor facilite la procedura de demanda d’asil politic per aqueles que, probable, ajan de besonh de proteccion internacionala. Guterres soslinhèt qu’aquela responsabilitat deu èsser pas solament dels territòris ont se produsís lo naufragi o ont las personas son salvadas.
Suggeriguèt tanben d’aumentar la collaboracion entre los govèrns per escambiar d’informacions suls movements dins la Mar Mediterranèa, coma las rotas mai transitadas, los perfils e los ponches de partença d’aqueles vaissèls, per tal de dessenhar de plans de responsa conjoncha.
Lo NACNUR a felicitat “l’accion conjoncha” dels gardacòstas de Malta e de la marina italiana, qu’ensems salvèron mai de 200 personas. Pasmens, los subrevivents parlan d’almens 400 personas que viatjavan dins la barcassa, e totes venián de Siria e Palestina.
“Es la tresena tragèdia d’aquelas caracteristicas en Mediterranèa en solament doas setmanas. Es vergonhós d’èsser los testimònis de cossí de centenats d’immigrants se negan a las pòrtas d’Euròpa”, çò soslinhèt Guterres, del temps qu’exprimissiá son chepic per la situacion dels immigrants sirians “que riscan lor vida en mans de trafegaires e de contrabandièrs dins lor ensag d’arribar salves e segurs en Euròpa”
Divendres passat de nuèch, dos vaissèls, amb 183 e 83 passatgièrs respectivament, foguèron salvats près de la Lampedosa, ont i a ja 785 refugiats d’aculhits. Aquela chifra compren los 156 subrevivents del naufragi del 3 d’octòbre passat, que s’es recuperat 359 cadavres. Es davant aquela situacion que Guterres reclama “de mesuras urgentas” per metre fin a aquelas tragèdias, coma l’identificacion de luòcs segurs pel desembarcament e salvament dels refugiats e emigrants, e mai la collaboracion internacionala per identificar e enseguir las personas implicadas en lo trafec de refugiats e emigrants, e tanben la collaboracion internacionala per identificar e enseguir las personas implicadas dins lo trafec de personas.
Lo NACNUR vòl que s’abilite mai de luòcs d’aculhença en Malta e en la Lampedosa e que se melhore las condicions dels luòcs ja existents, amb accès a l’assisténcia medicala. Considèra tanben que cal que se procedisca al registre e a l’identificacion dels subrevivents, e mai que se lor facilite la procedura de demanda d’asil politic per aqueles que, probable, ajan de besonh de proteccion internacionala. Guterres soslinhèt qu’aquela responsabilitat deu èsser pas solament dels territòris ont se produsís lo naufragi o ont las personas son salvadas.
Suggeriguèt tanben d’aumentar la collaboracion entre los govèrns per escambiar d’informacions suls movements dins la Mar Mediterranèa, coma las rotas mai transitadas, los perfils e los ponches de partença d’aqueles vaissèls, per tal de dessenhar de plans de responsa conjoncha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari