Actualitats
Macrojutjament en Espanha contra las tavèrnas popularas bascas
Dos ans après lo cessament d’activitat d’ÈTA, las tavèrnas nomenadas Herriko Taberna son mesas en causa per aver finançat presumidament la banda armada
L’Audiéncia Nacionala espanhòla, un naut tribunal espanhòl excepcional, comencèt ièr un macrojutjament contra 36 personas acusadas d’aver finançat ÈTA a travèrs de las tavèrnas nomenadas Herriko Taberna (la tavèrna del pòble), onze ans après lo començament de la procedura, dos ans après lo cessament d’activitat de la banda armada. Al delà, deuràn depausar, los representants de las 110 tavèrnas que lo jutge Baltasar Garzón faguèt barrar.
Segon lo ministèri public, lo patrimòni d’aquel ret de tavèrnas èra de mai de 12 milions d’èuros e enregistravan una chifra d’aperaquí 15 milions per an. Considèra que la proprietat e los comptes bancaris èran a de noms d’associacions culturalas per simular que l’activitat economica èra desligada d’ÈTA. Ditz tanben qu’es en aquelas tavèrnas que se fasiá lo recrutament de nòus activistas e que se gardava d’armas. Demanda de condemnacions d’entre 8 e 12 ans de preson.
“Qualqu’un aurà d’explicar perqué ara, perqué en aquestas circonstàncias, i a aqueste interès d’organizar aquestes macroprocèsses d’un caire politic marcat”, çò planguèt als mèdias l’èx-dirigent de Batasuna, Karmelo Landa, qu’exigissiá l’absolucion de totes los meses en causa tan lèu coma possible.
Segon lo ministèri public, lo patrimòni d’aquel ret de tavèrnas èra de mai de 12 milions d’èuros e enregistravan una chifra d’aperaquí 15 milions per an. Considèra que la proprietat e los comptes bancaris èran a de noms d’associacions culturalas per simular que l’activitat economica èra desligada d’ÈTA. Ditz tanben qu’es en aquelas tavèrnas que se fasiá lo recrutament de nòus activistas e que se gardava d’armas. Demanda de condemnacions d’entre 8 e 12 ans de preson.
“Qualqu’un aurà d’explicar perqué ara, perqué en aquestas circonstàncias, i a aqueste interès d’organizar aquestes macroprocèsses d’un caire politic marcat”, çò planguèt als mèdias l’èx-dirigent de Batasuna, Karmelo Landa, qu’exigissiá l’absolucion de totes los meses en causa tan lèu coma possible.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
In vino veritas. Dèu èsser per aquò que fan tancar las tavernas a Euskadi.
Lor manca pas que de raubar los filhs de nacionalistas bascs per los far adoptar per de familhas nacionalistas espanhòlas (coma faguèron los los franquistas amb los filhs de la Republica).
Jutjament retro-actiu, acusacion expeditiva per aver apartengut a un grop pas encara illegal (doncas en situacion legala a l'epòca) e ziu ! 10 ans de gàbia ! Espanha criptofranquista, los uèlhs del mond d'espian e t'acusan ! Imaginatz de deman França decidisca que tot çò occitanista es dangierós per "La Nation". Deman de ser, IEO ven illegala. E deman passat, vos venon totes arrestar per far 10 o 20 ans de gàbia ? Apelariatz aquò justíca ? Sonariatz aquò democracia ? Una Espanha aital es venguda coma una saca de fem… Lo terrorisme basc a fat prèp de 900 victimas ? E alara ? Quantes victimas a faita l'armada espanòla dempuèi un sègle ? Quantes victimas l'armada francesa a faitas en Indochina, en Argeria ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari