Aperaquí 880 000 personas vivon coma trabalhadors esclaus dins los païses de l’Union Europèa (UE), dont un quart patisson l’esplecha sexuala. Aquela chifra foguèt descobèrta per un rapòrt especial del Parlament Europèu sul combat contra lo crime organizat, l’emblanquiment d’argent e la corrupcion, segon çò que publiquèt la revista alemanda Der Spiegel.
Segon aquel rapòrt, las aperaquí 3600 organizacions de trafegants de personas qu’opèran en Euròpa ganhan a pauc près 25 miliards d’èuros. Los autors del document soslinhan tanben qu’aquò provòca un damatge economic grèu a l’UE.
En mai d’aquò, lo document avertís del seriós perilh d’aument generalizat de la corrupcion. Solament dins lo sector public an detectat mai de 20 milions de cases, que causèron un damatge total de 120 milions d’èuros per an.
Coma mesuras de solucion, lo comitat parlamentari prepausa una cooperacion mai estrecha entre las autoritats policièras dels païses de l’UE, e que las personas que descobrisson d’errors dins las institucions publicas patiscan pas las mesuras repressivas, e qu’al contrari sián protegidas.
Dimècres que ven, l’Europarlament debatrà lo rapòrt.
Segon aquel rapòrt, las aperaquí 3600 organizacions de trafegants de personas qu’opèran en Euròpa ganhan a pauc près 25 miliards d’èuros. Los autors del document soslinhan tanben qu’aquò provòca un damatge economic grèu a l’UE.
En mai d’aquò, lo document avertís del seriós perilh d’aument generalizat de la corrupcion. Solament dins lo sector public an detectat mai de 20 milions de cases, que causèron un damatge total de 120 milions d’èuros per an.
Coma mesuras de solucion, lo comitat parlamentari prepausa una cooperacion mai estrecha entre las autoritats policièras dels païses de l’UE, e que las personas que descobrisson d’errors dins las institucions publicas patiscan pas las mesuras repressivas, e qu’al contrari sián protegidas.
Dimècres que ven, l’Europarlament debatrà lo rapòrt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Es çò qu'anavi dire. se òm pren coma referéncia la definicion de çò que se pòt considerar coma esclavatge per Pierre Rabhi, i auriá qualques 300 milions d'esclaus en Euròpa. Ara i a d'esclavatges piégers que d'autres. Mas èra ja aital a Roma: la vida d'un esclau preceptor èra pas tan dura coma la dels esclaus minaires.
Vòstra chifra, Jornalet, es optimistassa : lo salariat es l'esclavatge modèrne, e del mens es retribuït del mai aquò ven evident.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari