Alemanha, Quebèc, Espanha... sèm tornamai amb los estats policièrs. Tant parlar de nazisme e de fascisme, tant faire coma se los totalitarismes foguèsson quicòm del passat, tant predicar que cal pas que tòrnen, e quora la bèstia porcassa nasèja vesèm pas que los medias s'escandalisen mai qu'aquò. Al contrari, mai d'un jornal "de referència" nos porgís d'aqueles articles reaccionaris ont un prèmi Nobel de fresc nos explica que cal pas manifestar, que los passacarrièras van contra la democràcia -e subretot, comprenèm nautres, contra la tranquilitat de l'establishment. Se volètz legir Vargas Llosa -que sos libres valon mai que lo tipe-, li crompètz pas de libres, manlevatz-los a vòstra mediatèca!