Actualitats
Hollande permet a Leonarda Dibrani de tornar en França, mas tota sola
Ela refusa de tornar s’es pas amb sa familha
Lo president de França, François Hollande, a cedit fin finala a la pression populara: dissabte afirmèt que se Leonarda Dibrani sollicitava lo sieu retorn per contunhar son escolaritat, poiriá èsser aculhida. Mas tota sola, sens sa familha. Aquela escolana gitana d’origina kosovara foguèt deportada la setmana passada.
Mas la joventa a ja declarat a Mitrovica, la vila de Kosova ont foguèt expulsada, que compren pas perqué Hollande li permet de tornar a ela e non pas a sa familha. “Hollande a pas agut de compassion per ma familha. A pas de còr, compreni pas perqué ditz que s’ocuparàn solament de ieu”, çò diguèt en sas declaracions, segon çò que raportèt la cadena BFM TV. Dibrani qualifiquèt lo gèst del president francés de “crusèl e maquiavelic” e apondèt que tornariá pas sens sa familha.
En una intervencion brèva facha a l’Elisi, en tot ensajar de barrar la polemica sorgida après la deportacion, lo cap de l’estat francés reconeguèt que la detencion e la percaça se faguèron en acòrdi amb la nòrma en vigor, mas admetèt que l’aurián pas degut far pendent una excursion escolara.
“I aguèt pas cap de fauta e se respectèt la lei”, çò diguèt Hollande, que fins alavetz se teniá al marge de la polemica. Hollande diguèt aquò après recebre lo ministre de l’interior, Manuel Valls, e lo rapòrt encargat a l’inspeccion generala de l’administracion per determinar se i aguèt qualque infraccion.
La jove, Leonarda Dibrani, dins sos quinze ans, fasiá la classa de tresena al Collègi André Malraux de Pontarlier (Franca Comtat) e, amb sos companhs d’escòla e sos professors, lo 9 d’octòbre passat, anava vesitar la vila de Sochaux, près de la frontièra soïssa, quand foguèt detenguda puèi deportada en Kosova.
“L’escòla deu èsser preservada dels conflictes de la societat”, çò diguèt Hollande, qu’anoncièt que s’èra emés una instruccion a totes los prefèctes per enebir d’implicar lo sistèma educatiu dins los procèsses de percaça de menors. Las valors de la Republica, segon çò que volguèt metre en evidéncia Hollande, residisson tanben dins la presa de consideracion de las “situacions umanas”, e mai se lo rapòrt a conclús que se respectèt la lei en tot moment tocant la percaça de la familha Dibrani.
Es aital qu’Hollande ensaja d’esquivar la polemica intèrna que i a dins lo Partit Socialista, pr’amor que divèrsas voses d’aquel partit avián criticat l’actitud del ministre de l’interior. Mas Manuel Valls es lo ministre mai popular del govèrn, fins al ponch qu’una eventuala demolicion de Valls seriá una catastròfa per Hollande.
Mas la joventa a ja declarat a Mitrovica, la vila de Kosova ont foguèt expulsada, que compren pas perqué Hollande li permet de tornar a ela e non pas a sa familha. “Hollande a pas agut de compassion per ma familha. A pas de còr, compreni pas perqué ditz que s’ocuparàn solament de ieu”, çò diguèt en sas declaracions, segon çò que raportèt la cadena BFM TV. Dibrani qualifiquèt lo gèst del president francés de “crusèl e maquiavelic” e apondèt que tornariá pas sens sa familha.
En una intervencion brèva facha a l’Elisi, en tot ensajar de barrar la polemica sorgida après la deportacion, lo cap de l’estat francés reconeguèt que la detencion e la percaça se faguèron en acòrdi amb la nòrma en vigor, mas admetèt que l’aurián pas degut far pendent una excursion escolara.
“I aguèt pas cap de fauta e se respectèt la lei”, çò diguèt Hollande, que fins alavetz se teniá al marge de la polemica. Hollande diguèt aquò après recebre lo ministre de l’interior, Manuel Valls, e lo rapòrt encargat a l’inspeccion generala de l’administracion per determinar se i aguèt qualque infraccion.
La jove, Leonarda Dibrani, dins sos quinze ans, fasiá la classa de tresena al Collègi André Malraux de Pontarlier (Franca Comtat) e, amb sos companhs d’escòla e sos professors, lo 9 d’octòbre passat, anava vesitar la vila de Sochaux, près de la frontièra soïssa, quand foguèt detenguda puèi deportada en Kosova.
“L’escòla deu èsser preservada dels conflictes de la societat”, çò diguèt Hollande, qu’anoncièt que s’èra emés una instruccion a totes los prefèctes per enebir d’implicar lo sistèma educatiu dins los procèsses de percaça de menors. Las valors de la Republica, segon çò que volguèt metre en evidéncia Hollande, residisson tanben dins la presa de consideracion de las “situacions umanas”, e mai se lo rapòrt a conclús que se respectèt la lei en tot moment tocant la percaça de la familha Dibrani.
Es aital qu’Hollande ensaja d’esquivar la polemica intèrna que i a dins lo Partit Socialista, pr’amor que divèrsas voses d’aquel partit avián criticat l’actitud del ministre de l’interior. Mas Manuel Valls es lo ministre mai popular del govèrn, fins al ponch qu’una eventuala demolicion de Valls seriá una catastròfa per Hollande.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Lo problèma principal dels presidents franceses es que son franceses, e donc condicionats totes tant coma o son, a l'exterminacion en règla de tota minoritat culturala istoricament presenta subre son territòri. Lo segond problèma dels presidents franceses es que manjan totes dins la man de la finança internacionala, cèga aquela a tot patiment uman, e obsedida pel solet profièit financièr a tèrme brieu, en se fotent ben pro de las condicions de vida dels unes e dels autres, e se chautant ben pro de las consequéncias sanitàrias e ecologicas de sa conquista destimborlada del profièit privat, al mesprètz de tota sabiesa, de tota consciéncia. de tot umanisme. Amb dos problèmas aital, qué poriam esperar d'unes presidents, franceses o autres ? Ne nos cal acabar amb l'egemonisme xenofòb francés en Occitània e, tanben, amb lo liberalisme que plaça la finança en subre de las leis, çò que trepeja per definicion tota democracia.
Se los "estrangièrs" se'n devon anar, Valls se pòt far la mala e tornar al país ! Mais ailà; serà benlèu susprés d'i descobrir un pòble que non se'n daissa contar e que fa valer sa lenga, pertot e tostemps… Plorarà per tornar en França per acabar sos estudis d'exterminator de minoritats culturalas…
E, mai que mai se "los estrangièrs devon tornar al sieu país". los Franceses pòdon quitar sens tardar mai Occitània e se'n tornar a l'ostal, "quai des brumes des bords de la Seine"…
#1 "a la risca que la barcassa França e lo veissèu Europa se prefondèsson dins la mar onte li aurà plus degun per lei sauvar": la familha Dibrani qu'ei europèa !
#4
"Es ora de bastir Occitània, non?"
Segur ! mas lo camin es long. Fau començar per trobar un govèrn interimari ,per aprèp, organizar d'eleccions democraticas amb mai d'un partit politic Occitan ! Perqué a l'ora d'ara, i a pas gaire de causida en Occitania.
Me dòl de legir que lo problèma màger es l'immigracion e non pas la falhida economica, sociala e umana de las valors europèas que ne parli dins mon article de dimenge... Umanistas e progressistas, uniscam-nos per una autra Euròpa...
Cossí que siá, es clar que França es en decadéncia : après François Mitterrand e sos amics corromputs, Jaume Chirac l'incompetent, Nicolas Sarkozy l'iperpresident, ara tenèm François Hollande, lo nonpresident, especialista de las nondecisions. Es ora de bastir Occitània, non?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari