Actualitats
Los soldats britanics del Domhnach na Fola (o Bloody Sunday) pòdon èsser jutjats per assassinat
Los soldats britanics que tuèron catòrze manifestants al dich Domhnach na Fola (o Bloody Sunday), a Doire (o Derry, Londonderry), dins lo nòrd d’Irlanda, lo 30 de genièr de 1972, pòdon èsser arrestats e acusats d’assassinat o d’ensag d’assassinat. Segon lo jornal The Sunday Times de Londres, un vintenat de soldats, a l’ora d’ara a la retirada, poirián èsser enquestats per aqueles faches.
Lo ministèri de la Defensa del Reialme Unit a ja començat d’engatjar d’avocats per representar los soldats, que seràn interrogats sul ròtle que joguèron dins aquela fusilhada, lo jorn que s’encarnissèron contra los manifestants d’una marcha per los dreches civils.
Fa tres ans se publiquèt lo Rapòrt Saville, que conten los resultats e las conclusions de l’enquèsta dirigida per Lord Saville, l’èx-jutge de la Cort Suprèma del Reialme Unit, e que butèt lo govèrn britanic a demandar perdon en nom de la nacion.
Lo Rapòrt Saville concluguèt que totes los mòrts èran desarmats e que foguèron assassinats d’un biais “injustificat e injustificable”. Segon lo document, l’armada perdèt lo contraròtle de la situacion e qualques soldats mentiguèron per esquivar la culpabilitat.
The Sunday Times rapòrta qu’una font pròcha de la polícia, qu’a vist los archius del govèrn, a confirmat la possibilitat que s’ordene lèu una accion judiciària contra los soldats. La meteissa font ditz: “Aquò es lo començament. Serà lo primièr còp que de soldats seràn interrogats per la polícia coma partida d’una enquèsta sus un assassinat, çò que fa pensar que qualques unes seràn jutjats.”
Malgrat que, segon la primièra font, las enquèstas pòscan èsser imminentas, un pòrtavotz de la polícia d’Irlanda del Nòrd ditz que los relambis se pòdon alongar. “Los prètzfaches preliminars an ja començat, mas serà una enquèsta longa e complèxa. Per que l’enquèsta siá pus completa e eficaça, la polícia a de besonh dels testimònis que depausèron dins lo Rapòrt Saville, perque la polícia es pas autorizada d’emplegar Saville coma testimòni dins una enquèsta criminala.”
Segon lo jutjament, los soldats tirèron pas totes contra los manifestants. N’i a dos d’identificats amb los escaisses “Espeçada F” e “Soldat G”, que tirèron e assassinèron entre 8 e 10 manifestants. Segon lo rapòrt son encara vius, mas s’es pas publicat lors noms per evitar de venjanças.
Lo ministèri de la Defensa del Reialme Unit a ja començat d’engatjar d’avocats per representar los soldats, que seràn interrogats sul ròtle que joguèron dins aquela fusilhada, lo jorn que s’encarnissèron contra los manifestants d’una marcha per los dreches civils.
Fa tres ans se publiquèt lo Rapòrt Saville, que conten los resultats e las conclusions de l’enquèsta dirigida per Lord Saville, l’èx-jutge de la Cort Suprèma del Reialme Unit, e que butèt lo govèrn britanic a demandar perdon en nom de la nacion.
Lo Rapòrt Saville concluguèt que totes los mòrts èran desarmats e que foguèron assassinats d’un biais “injustificat e injustificable”. Segon lo document, l’armada perdèt lo contraròtle de la situacion e qualques soldats mentiguèron per esquivar la culpabilitat.
The Sunday Times rapòrta qu’una font pròcha de la polícia, qu’a vist los archius del govèrn, a confirmat la possibilitat que s’ordene lèu una accion judiciària contra los soldats. La meteissa font ditz: “Aquò es lo començament. Serà lo primièr còp que de soldats seràn interrogats per la polícia coma partida d’una enquèsta sus un assassinat, çò que fa pensar que qualques unes seràn jutjats.”
Malgrat que, segon la primièra font, las enquèstas pòscan èsser imminentas, un pòrtavotz de la polícia d’Irlanda del Nòrd ditz que los relambis se pòdon alongar. “Los prètzfaches preliminars an ja començat, mas serà una enquèsta longa e complèxa. Per que l’enquèsta siá pus completa e eficaça, la polícia a de besonh dels testimònis que depausèron dins lo Rapòrt Saville, perque la polícia es pas autorizada d’emplegar Saville coma testimòni dins una enquèsta criminala.”
Segon lo jutjament, los soldats tirèron pas totes contra los manifestants. N’i a dos d’identificats amb los escaisses “Espeçada F” e “Soldat G”, que tirèron e assassinèron entre 8 e 10 manifestants. Segon lo rapòrt son encara vius, mas s’es pas publicat lors noms per evitar de venjanças.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E del costat de l'estat francés, los chaples jamai son jutjats, coma per exemple lo chaple contra la manifestacion independentista (Argeria) del 17 d'octobre de 1961 a París
http://fr.wikipedia.org/wiki/Massacre_du_17_octobre_1961
Curiós pel "pays des droits de l'homme". França: lo país dels assasinats d'estats.
Suus aqueres eveniments deu Dimenge sangnós de Doire/Derry de Pascas 1972 vos aconselhi l'excellentissime filme de Paul Greengrass titolat simplament "Bloody Sunday" (2002). Au delà d'ua leçon de cinèma, veiratz una reconstitucion menimosa deus hèits.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari