Alemanha a d’informacions que los Estats Units aurián monitorizat lo telefòn mobil personal de la cancelièra Angela Merkel. “Avèm demandat d’explicas als estatsunidencs quand e quand, per que nos donen una explica clara, en detalh e lèu”, çò afirmèt ièr lo pòrtavotz del govèrn alemand Steffen Seibert.
 
Merkel ne parlèt tanben ièr per telefòn amb lo president estatsunidenc Barack Obama. Li metèt en evidéncia que, se se confirma l’informacion, s’agiriá d’un fach entièrament inacceptable. “Seriá una ofensa grèva a la nòstra fisança. Aquelas practicas las cal arrestar quand e quand”, çò apondèt Seibert.