Actualitats
An ocupat lo local del PS de Pau per demandar la liberacion d’Abdallah
La polícia a detengut uèch militants
Dijòus passat, un collectiu de militants per la liberacion de Georges Ibrahim Abdallah ocupèron tre 17h la delegacion departamentala del Partit Socialista a Pau (Bearn). Un desenat de personas s’encadenèron a l’interior del local pendent mièja ora, fins que la polícia las venguèt deslotjar e qu’arrestèt uèch personas per lor far un contraròtle d’identitat. Los activistas denoncièron als mèdias que los policièrs empediguèron deliberadament la presa de fòtos e de vidèos.
Precisament, dijòus, Abdallah intrèt dins sa 30a annada de detencion. L’activista libanés de 62 ans foguèt empresonat en Occitània per complicitat d’assassinat, e foguèt pas liberat perque lo consideravan de “perilhositat especiala”.
Abdallah foguèt arrestat en 1984 a Lion (Arpitània), acusat de portar de documents falses e de téner d’armas e d’explosius. Totas las demandas de libertat condicionala d’Abdallah li foguèron negadas, per téner “una perilhositat especiala”, e mai se los grops armats ont aviá militat existissián pas pus.
Mai d’un collectiu apèlan dissabte, a 14h, a manifestar de la gara a la preson de Lanamesa, ont Abdallah es detengut, per exigir sa liberacion.
Precisament, dijòus, Abdallah intrèt dins sa 30a annada de detencion. L’activista libanés de 62 ans foguèt empresonat en Occitània per complicitat d’assassinat, e foguèt pas liberat perque lo consideravan de “perilhositat especiala”.
Abdallah foguèt arrestat en 1984 a Lion (Arpitània), acusat de portar de documents falses e de téner d’armas e d’explosius. Totas las demandas de libertat condicionala d’Abdallah li foguèron negadas, per téner “una perilhositat especiala”, e mai se los grops armats ont aviá militat existissián pas pus.
Mai d’un collectiu apèlan dissabte, a 14h, a manifestar de la gara a la preson de Lanamesa, ont Abdallah es detengut, per exigir sa liberacion.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
quan coneixem l'istòria deu PS e de la sociau-democracia en Europa desempush mès o menos 100 ans lo termi de 'assassin' n'ei pas ua galejada. Mès de tot biais tot aquò qu'ei ua question de classa e pas de justicia (entenut dens la terminologia borgèsa)
podèm qu'amirar la finesae la manca de sutilitat de l'esquèrra (extrèma) qu'acusa lo PS d'assassinat ! PS assassin, sus la plancarta. i a força reprochis que podètz li afaire, mai pietat, pa'queu ! en tot cas, rapelem se que lo mot assassin ven d'una sècta mahometana dau sègle XVI que coma lei talibans vuèi assassinavon volontier lei gents perqu" trobavan que cresiàn pas pron en Allah -hassaschin, e se non m'engani proveniàn de la region d'aquest Abadllah que merita d'èstre oblidat , que siegue dins la gàbia o defora
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari