Un còp de mai, nos fan retardar d’una ora los nòstres relòtges e mòstras per intrar dins l’orari d’ivèrn. Aital, a tres oras del matin de dimenge, seràn tornarmai doas oras. Aquò permet d’aprofechar las oras de solelh del matin e aital d’estalviar d’energia.
 
Las mòstras e los relòtges se mòvon a l’encòp gaireben dins tota Euròpa. Comencèt de se far a partir de la crisi del petròli de 1974, quand qualques païses decidiguèron de cambiar l’orari per aprofechar la lutz del solelh e consumar mens d’electricitat. Dempuèi 1981 aquel cambiament orari es una nòrma de l’Union Europèa.
 
Amb aquesta practica, l’ora oficiala es en estiu de doas oras de mai que l’ora solara, mentre qu’en ivèrn es d’una ora de mai.