Actualitats
Las femnas saudianas an escomés un còp de mai l’enebicion de menar
Ièr se faguèt una crida a las femnas per que prenguèsson la veitura, e mai se la lei o lor permet pas
Entre las nombrosas restriccions que s’aplican a las femnas en Arabia Saudita, amb de presumits pretèxtes religioses, n’i a una qu’es pas mençonada dins la sharia islamica: la proïbicion de menar de veïculs. Un grop de femnas activistas saudianas manifèstan dempuèi qualques ans per abolir aquela enebicion e an declarat lo 26 d’octòbre coma jorn per escometre aquela lei. Qualques milièrs de personas arribèron de signar una peticion en linha, abans que foguèsse atacada per d’hackers.
Entre d’autres afars, demandan qu’a “las femnas lor siá permés de far d’espròvas de conducha e que s’autrege de permeses de menar a las que las reüssiràn. (...) La capacitat deuriá èsser lo sol critèri, independentament del sèxe dels ciutadans”.
Dins aquel sens, lo director del Comitat per la Propagacion e la Vertut e la Prevencion del Vici en Arabia Saudita, Abd Al Latif Ash Shaykh, diguèt fa qualques jorns a l’agéncia Reuters que vesiá pas cap de justificacion religiosa per enebir a las femnas de condusir, mas apondèt qu’aviá pas lo poder de cambiar la lei e, alavetz, la polícia religiosa qu’el comanda detendriá las femnas qu’o faguèsson.
La darrièra granda mobilizacion contra aquela enebicion se debanèt lo 17 de junh de 2011, quand un grop de femnas, en seguida d’una crida coma la d’ièr, menèron. Alavetz la polícia las arturèt e las obliguèt de signar una declaracion que s’i engatjavan d’o far pas pus. Una protèsta precedenta s’èra debanada en novembre de 1990, quand las autoritats arrestèron e puniguèron durament mièg centenat de femnas saudianas per participar a una manifestacion en tot menar d’autos.
Sabèm pas encara lo resultat de la protèsta d’ièr.
Entre d’autres afars, demandan qu’a “las femnas lor siá permés de far d’espròvas de conducha e que s’autrege de permeses de menar a las que las reüssiràn. (...) La capacitat deuriá èsser lo sol critèri, independentament del sèxe dels ciutadans”.
Dins aquel sens, lo director del Comitat per la Propagacion e la Vertut e la Prevencion del Vici en Arabia Saudita, Abd Al Latif Ash Shaykh, diguèt fa qualques jorns a l’agéncia Reuters que vesiá pas cap de justificacion religiosa per enebir a las femnas de condusir, mas apondèt qu’aviá pas lo poder de cambiar la lei e, alavetz, la polícia religiosa qu’el comanda detendriá las femnas qu’o faguèsson.
La darrièra granda mobilizacion contra aquela enebicion se debanèt lo 17 de junh de 2011, quand un grop de femnas, en seguida d’una crida coma la d’ièr, menèron. Alavetz la polícia las arturèt e las obliguèt de signar una declaracion que s’i engatjavan d’o far pas pus. Una protèsta precedenta s’èra debanada en novembre de 1990, quand las autoritats arrestèron e puniguèron durament mièg centenat de femnas saudianas per participar a una manifestacion en tot menar d’autos.
Sabèm pas encara lo resultat de la protèsta d’ièr.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Lo camin que va estar long, tà las hemnas saodianas. Mercés a Jornalet de ns'aver dat aquera informacion.
Ua observacion : ua frasa com "Qualques milièrs de personas arribèron de signar una peticion en linha". Perqué non "posquèron signar...", "aguèron l'escasença de signar..." ?
Las femnas musulmanas prenon lo problema al revèrs. Lo Memet -lausat siá lo seu nom- jamai diguèt pas que los òmes podián menar d'automobilas. Cal enebir als òmes musulmans de menar. Se vòlon anar en carri, que menen las femnas ja que dins son organisacion sociala son al servici de l'òme. E se vòlon menar eles, lo Coran ditz pas res en contra dels camèls. A mai li podèm trobar de trabalh a Besièrs per menar lo Camèl.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari