Actualitats
An trobat una enfantona dins lo còfre d’una veitura
La maire l’auriá tenguda amagada de son companhon. Lo parelh son en gàrdia a vista
Un parelh de Brenhac (País de Briva) son en gàrdia a vista per aver privat de suènhs una enfantona. Sa maire n’auriá volgut dissimular l’existéncia als uèlhs de totes, quitament de son companhon, e l’auriá tenguda amagada dins lo còfre d’una veitura.
Es sus aquel scenari que s’orientariá l’enquèsta dels gendarmas, après que los emplegats d’un garatge de Terrasson (Peiregòrd Negre) descobriguèsson una drolleta dins lo còfre d’una auto.
Segon los primièrs elements de l’enquèsta, la maire presumida auriá amagat a son companhon l’enfantona après sa naissença, dempuèi un an aperaquí. Qualques elements o fan pensar: la naissença de la drolleta foguèt pas declarada oficialament, los emplegats del garatge testimònian qu’avián sentit de pudentors d’excrements dins la veitura, e los vesins dison qu’aqueste estiu vegèron que “quand fasiá chaud, la veitura èra recobèrta de cobèrtas”.
A l’ora d’ara, los enquestaires devon verificar los ligams biologics entre l’enfantona e la femna de 45 ans. Los autres tres enfants del parelh, qu’an de 4 a 10 ans, son estats fisats a un fogal d’ajuda a l’enfança.
Espitalizada a Briva, la petita dròlla auriá pas patit de violéncias fisicas, mas presentariá de signes d’abséncia cronica de suènhs.
Es sus aquel scenari que s’orientariá l’enquèsta dels gendarmas, après que los emplegats d’un garatge de Terrasson (Peiregòrd Negre) descobriguèsson una drolleta dins lo còfre d’una auto.
Segon los primièrs elements de l’enquèsta, la maire presumida auriá amagat a son companhon l’enfantona après sa naissença, dempuèi un an aperaquí. Qualques elements o fan pensar: la naissença de la drolleta foguèt pas declarada oficialament, los emplegats del garatge testimònian qu’avián sentit de pudentors d’excrements dins la veitura, e los vesins dison qu’aqueste estiu vegèron que “quand fasiá chaud, la veitura èra recobèrta de cobèrtas”.
A l’ora d’ara, los enquestaires devon verificar los ligams biologics entre l’enfantona e la femna de 45 ans. Los autres tres enfants del parelh, qu’an de 4 a 10 ans, son estats fisats a un fogal d’ajuda a l’enfança.
Espitalizada a Briva, la petita dròlla auriá pas patit de violéncias fisicas, mas presentariá de signes d’abséncia cronica de suènhs.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aqueste eveniment es terrible! Demoram en una societat adulta que sap pas protegir los sieus enfants!!
Francisme o pas? Bòn occitan o pas? Aqui es pas lo problèma! çò que devem dire a prepaus de l'article, es lo mòt "VERGONHA" per leis parents qu'an laissat l'enfantona dins un còfre de veitura, aquò se fa pas...
En occitan medieval per designar la mala d'una veitura ?
Hahaha, quin riure !
Doncas non. Ai verificat en cò de locutors naturals, òm ditz la mala d'una veitura en lengadocian.
Passat en francitan 'la malle'.
#3 'Còfre' es de bon occitan, vesèm aqueste mot dins lo diccionari d'Alibèrt, dins lo de Mistral e en occitan medieval. Qual pòt decretar que seriá un mot incorrècte??? D'ont ven aquela fantasiá?
Diaman a rason, se l'autor de l'article aguèsse emplegat lo mot- que conven mala, auriàu pas utilisat cofre. per quant a l'autre comentàri, la remarca qu'ai facha ei d'un marrit gost perfiech, coma una bona mitat deis dessenhs de Charlie-Hebdo, sensa dobte una valor de l'esquerra, e aqui tot ei permés, en estent que la fuelha satirica ei progressista.... e badan davant...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari