Actualitats
An pas mes lo drapèl espanhòl perque pòdon pas pagar lo pal
Lo cònsol de Balaguer (Catalonha), Josep Maria Roigé, expliquèt qu’a la faciada de la Comuna de Balaguer i a pas la bandièra espanhòla: “podèm pas far d’investiments”, çò diguèt, pr’amor que lo consistòri a son budget prorogat. Es aital que Roigé respondèt a las demandas de la delegacion de l’estat espanhòl en Catalonha per qu’installèsse la bandièra estatala.
Pasmens, lo cònsol assegurèt: “la volèm pas penjar”. Mas afirmèt: “tant qu’aurem pas de budget per plaçar aquel pal” se poirà pas far. Lo cònsol considèra tanben que la majoritat dels partits que son representats al conselh municipal “considèran siás” las bandièras que son a l’ora d’ara sus la faciada: la de la municipalitat, l’europèa e la catalana. Lo quite cònsol admetiá que se la bandièra espanhòla es pas dins la vila, “es tanben per una question de conviccion politica”.
A l’ora d’ara i a ja un fum de municipalitats enseguidas legalament per la delegacion de l’estat en Catalonha perque lo drapèl espanhòl i es pas. Qualques unas an ensajat d’evitar las punicions en i penjant un drapelon espanhòl tot petit, e d’autras l’an camoflat entre de drapèls de totes los païses d’Euròpa.
Pasmens, lo cònsol assegurèt: “la volèm pas penjar”. Mas afirmèt: “tant qu’aurem pas de budget per plaçar aquel pal” se poirà pas far. Lo cònsol considèra tanben que la majoritat dels partits que son representats al conselh municipal “considèran siás” las bandièras que son a l’ora d’ara sus la faciada: la de la municipalitat, l’europèa e la catalana. Lo quite cònsol admetiá que se la bandièra espanhòla es pas dins la vila, “es tanben per una question de conviccion politica”.
A l’ora d’ara i a ja un fum de municipalitats enseguidas legalament per la delegacion de l’estat en Catalonha perque lo drapèl espanhòl i es pas. Qualques unas an ensajat d’evitar las punicions en i penjant un drapelon espanhòl tot petit, e d’autras l’an camoflat entre de drapèls de totes los païses d’Euròpa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Salutacions, Sénher Martí i Casanova
1) Çò qu'indica Pirolet se passa efectivament pertot ont lo pòble, definit per sa lenga, es pas sobeiran subre la sieuna tèrra istorica. Se passa tant en país valencian, en país occitan, en Euskal Herria…
2) Per ieu, Occitània es la tèrra ont se parla occitan, e donc, Catalonha es la tèrra ont se parla catalan. Se parlam catalan en País Valenican, alara lo País Valencian fa partida de Catalonha, coma Rosselhon, Cerdanha, Conflent, Valhespir, Franja Aragonesa e Islas Balears… La partida de Catalonha que s'amira a l'ora d'ara cap a l'independéncia d'un estat sobeiran, me sembla malbiaissut que la digam "Catalonha", ja qu'es son que lo "Pincipat de Catalonha", o, se mai vos agrada, lo País Barcelonin a l'interior de la granda Catalonha, qu'ami tota una…
3) En mai d'aquò, quora encontrèri los sòcis de Casal Jaume Ier de la ciutat d'Elx, entendiái totes sos prepauses en catalan, e m'entendián mentre que lor parlavi occitan. E donc, subre la meteissa logica linguisitica, Occitània fa partida de Catalonha, tant coma lo bon e bèl País Valencian. Sèm una nacion ! S'aquela nacion, la volètz dire "Valéncia", ieu, me'n viri, mai qu'ane de Guardamar (ont anèri amb vos-meteis - e ne vos mercegi) fins a las Combralhas occitanas de la zòna dita "del creissent", al setentrion d'Auvèrnha.
Pirolet! Pirolet! ditz: "T'anam flagellar mas es a tu de crompar lo foet!" E aquò passa pas a Occitània? Amb umor valencian! Valencian de parla catalana... Dempuèi Elx, amb resignacion! Siau pas a Catalonha ieu tanpauc!
Mancariá pas qu'aquò. Lo govern del PP escana Catalonha e voldriá pas pagar lo pal del drapèu que vòlon impausar. Es coma s'aguèssen dich a Jèsus: T'anam flagellar mas es a tu de crompar lo foet!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari