Lo grope Misè Babilha incarna la marselhèsa que canta coma charra, que conta sa vida de frema, entre rires e plors, de la filheta a la grand. Misè Babilha, collectiu de "cantairitz-vesinas", canta en occitan un repertòri femenin tirat de collectatges tant coma de creacions originalas. 

 

Lo Còr de la Roqueta recampa siès joinei fremas que porgisson una interpretacion nòva dau cant tradicionau e popular. Trantalhan pas per destòrcer tèxtes e melodiás eiretadas dau riche patrimòni mediterranèu en fent viravòutar lei trobadors e poètas occitans au contacte de sei vòtz e sei ritmes. 

 

Seguit d’un Balèti embé Tornamai. De sèrres en valats, musicas de festas dau país trencat, Tornamai (Clément Gauthier, Mana Serrano, Basile Brémaud) jòga la musica sauvatja dei montanhas cevenòlas, e fa náisser una alquimia de còrdas timbradas de plena vòtz qu'auça lei dançaires: un balèti que castanha!

Ostau dau País Marselhés