Actualitats
Lo Partit Breton se mesfisa dels “partits exagonals”
Se presenta a las eleccions europèas per un federalisme europèu
Lo Partit Breton (Strollad Breizh), ja present dins qualques municipalitats de Bretanha, a decidit lo 20 d’octòbre passat que se presentarà a las eleccions europèas amb un programa que metrà l’accent sul federalisme d’encastre europèu, segon çò que rapòrta Nationalia. Dins aquel sens, prepausan d’anar amb los “bascos, catalans, escoceses e flamencs”.
Lo partit bretonista a decidit tanben de far una “crida solemna als bretons” per los ajudar a afrontar la crisi que travèrsa Bretanha, “qu’afècta totes los domenis de la vida privada e publica de sos ciutadans e que far morir Bretanha, en li voidar lo sang: son de milièrs d’emplecs que desapareisson, sos joves son prèstes a partir”, çò ditz lo partit.
Una de las reflexions d’aquel partit es qu’“una nòva Bretanha solament pòt nàisser d’un movement politic breton” e que cal pas res esperar dels “partits exagonals”. De fach lo Partit Breton “aviá ja prevengut los bretons de las consequéncias de l’abséncia d’un poder politic en Bretanha: sa destruccion pròpria qu’es programada”.
Dins aquel sens lo Partit Breton planh que lo procès de “destruccion de las lengas” parladas en Bretanha siá estat accelerat, mentre que persistís “l’amputacion” del territòri breton, en referéncia a un dels cinc departaments del país que fa partida de la region dels Païses de Léger. Tanben planhon la “negacion oficiala de l’existéncia del pòble breton coma nacion”.
Lo Partit Breton se demanda, atanben, se los bretons “son dispausats a veire morir Bretanha”. Acusan lo primièr ministre francés, Jean-Marc Ayrault, que coma cònsol de Nantas faguèt una politica de desbretonizacion de la vila, de voler far venir Bretanha un espaci de léser e de residéncia pels retirats. Per rapòrt als ministres bretons, lo partit bretonista ditz que “son d’una mediocritat desolanta”, incapables de desvolopar quicòm que favorisca Bretanha.
D’autres partits bretons
Ça que la Ouest-France ven de raportar la creacion d’un nòu partit bretonista nomenat Breizh Europa, que cèrca d’aconseguir “una Bretanha autonòma dins una Euròpa federala”. Aquel partit ditz que se presenta a las municipalas en cercant “de proximitats” amb lo Partit Breton, l’Union Democratica Bretona e Los Verds.
Per quant a l’Union Democratica Bretona, espèran d’anar a las eleccions europèas amb Regions e Pòbles Solidaris, un agropament de partits qu’amassa de bretons, d’alsacians, de catalans, de bascos, d’occitans, de còrses e de savoians. Aquel ensems espèra de repetir tornarmai sa coalicion amb Euròpa Ecologia-Los Verds (EELV), coma o faguèt en 2009. An ja un eurodeputat, lo còrs François Alfonsi.
Lo partit bretonista a decidit tanben de far una “crida solemna als bretons” per los ajudar a afrontar la crisi que travèrsa Bretanha, “qu’afècta totes los domenis de la vida privada e publica de sos ciutadans e que far morir Bretanha, en li voidar lo sang: son de milièrs d’emplecs que desapareisson, sos joves son prèstes a partir”, çò ditz lo partit.
Una de las reflexions d’aquel partit es qu’“una nòva Bretanha solament pòt nàisser d’un movement politic breton” e que cal pas res esperar dels “partits exagonals”. De fach lo Partit Breton “aviá ja prevengut los bretons de las consequéncias de l’abséncia d’un poder politic en Bretanha: sa destruccion pròpria qu’es programada”.
Dins aquel sens lo Partit Breton planh que lo procès de “destruccion de las lengas” parladas en Bretanha siá estat accelerat, mentre que persistís “l’amputacion” del territòri breton, en referéncia a un dels cinc departaments del país que fa partida de la region dels Païses de Léger. Tanben planhon la “negacion oficiala de l’existéncia del pòble breton coma nacion”.
Lo Partit Breton se demanda, atanben, se los bretons “son dispausats a veire morir Bretanha”. Acusan lo primièr ministre francés, Jean-Marc Ayrault, que coma cònsol de Nantas faguèt una politica de desbretonizacion de la vila, de voler far venir Bretanha un espaci de léser e de residéncia pels retirats. Per rapòrt als ministres bretons, lo partit bretonista ditz que “son d’una mediocritat desolanta”, incapables de desvolopar quicòm que favorisca Bretanha.
D’autres partits bretons
Ça que la Ouest-France ven de raportar la creacion d’un nòu partit bretonista nomenat Breizh Europa, que cèrca d’aconseguir “una Bretanha autonòma dins una Euròpa federala”. Aquel partit ditz que se presenta a las municipalas en cercant “de proximitats” amb lo Partit Breton, l’Union Democratica Bretona e Los Verds.
Per quant a l’Union Democratica Bretona, espèran d’anar a las eleccions europèas amb Regions e Pòbles Solidaris, un agropament de partits qu’amassa de bretons, d’alsacians, de catalans, de bascos, d’occitans, de còrses e de savoians. Aquel ensems espèra de repetir tornarmai sa coalicion amb Euròpa Ecologia-Los Verds (EELV), coma o faguèt en 2009. An ja un eurodeputat, lo còrs François Alfonsi.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òc, un partit francés apararà sempre los interèsses de França, non pas de sos pòbles, e aquò es normal. Que faràn los independentistas occitans a las eleccions europèas?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari