Aqueste divendres de ser, la bilhetariá del Pargue Municipal dels Espòrts d’Avinhon serà tancada per la partida França-Nòva Zelanda. Las 17 500 plaças mesas en venda an trobat preneires. Fa de meses que los tretzistas de Vauclausa e de Provença preparan lo rendètz-vos. Cinc cents mainatges d’Avinhon dançaràn l’haka abans la version originala dels Kiwis.
Logicament, los campions del Monde son plan mai fòrts que nòstres Pols valents. De mai, per nòstres jogaires, lo rendètz-vos capital serà pel diluns 11 de novembre a Perpinhan fàcia a Samoa ont se jogarà la segonda plaça de la pola.
Mas aquò vòl pas dire que cal tot daissar tombar e s’acontentar de gaitar jogar l’adversari. Los samoans an mostrat dimenge de ser qu’amb de volontat e una bona circulacion de la pauma se podiá trapar de traucs dins la defensa negra. Serà doncas l’escasença de faire mòstra d’un esperit ofensiu que desapareguèt fàcia a Papoa-Nòva Guinèa amb tot lo trabalh defensiu qu’i aviá de faire. E lo public demanda tanben als jogaires de banhar lo malhòt; un estadi comol deuriá ajudar a concretizar aquel vam.
Los Kiwis fan virar lor efectiu e reservaràn Sonny Bill Wiliams. Costat Blau, Clint Greenshields e Guilhèm Barthau seràn pas sus la fuèlha de partida. Ciril Stacul deuriá jogar a l’ala, Fages a la mesclanha e Kane Bentley segondar Elòi Pelissièr coma talonaire.
Rebombs de pauma
Cobertura mediatica. Mai de 2 milions e mièg d’angleses an seguit la partida de dobertura Austràlia-Anglatèrra sus la BBC. Plan mai de telespectators que per las finalas de la Cup!
De gaitar
– L’ensag mancat de Sonny Bill Williams
– Vilanòva de Menerbés e lo XIII sus TF1
Alan Roch
Logicament, los campions del Monde son plan mai fòrts que nòstres Pols valents. De mai, per nòstres jogaires, lo rendètz-vos capital serà pel diluns 11 de novembre a Perpinhan fàcia a Samoa ont se jogarà la segonda plaça de la pola.
Mas aquò vòl pas dire que cal tot daissar tombar e s’acontentar de gaitar jogar l’adversari. Los samoans an mostrat dimenge de ser qu’amb de volontat e una bona circulacion de la pauma se podiá trapar de traucs dins la defensa negra. Serà doncas l’escasença de faire mòstra d’un esperit ofensiu que desapareguèt fàcia a Papoa-Nòva Guinèa amb tot lo trabalh defensiu qu’i aviá de faire. E lo public demanda tanben als jogaires de banhar lo malhòt; un estadi comol deuriá ajudar a concretizar aquel vam.
Los Kiwis fan virar lor efectiu e reservaràn Sonny Bill Wiliams. Costat Blau, Clint Greenshields e Guilhèm Barthau seràn pas sus la fuèlha de partida. Ciril Stacul deuriá jogar a l’ala, Fages a la mesclanha e Kane Bentley segondar Elòi Pelissièr coma talonaire.
Rebombs de pauma
Cobertura mediatica. Mai de 2 milions e mièg d’angleses an seguit la partida de dobertura Austràlia-Anglatèrra sus la BBC. Plan mai de telespectators que per las finalas de la Cup!
De gaitar
– L’ensag mancat de Sonny Bill Williams
– Vilanòva de Menerbés e lo XIII sus TF1
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Alara: un partit de gala o un partit de pola?
_ Elòi Pelissièr, tocata l pectoral, jogarà pas aqueste divendres https://www.sportchoc.tv/sport/breve/xiii-international/6818-pélissier-blessé-au-pectoral
- Aqueste dimècres, a Bristòl, lo primièr torn se clavèt amb la victòria dels Estats-Units 32-20 contra las Ilas Cook (20-12 a la pausa) http://www.rlwc2013.com/live/index.php?9659
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari