Lo primièr torn d’aquesta Copa del Monde de 2013 es ara acabat e nos podèm liurar al pichon jòc dels pronostics, mas cambiarem la bòla de cristal per una ovala de cristal e lo mocador de cap per un sarracap!
– En pola A (3 qualificats), nos acaminam cap a un classament 1) Austràlia 2) Anglatèrra 3) Fiji 4) Irlanda.
– En pola B, nos banharem pas tròp en diguent 1) Nòva Zelanda 2) França o Samoa (lo còr ditz quicòm, la logica quicòm mai[!], d’ont l’importància de la partida de l’11 a Perpinhan) 4) Papoa-Nòva Guinèa.
– En pola C, pronostic favorable a Itàlia.
– En pola D, maldespièch sa desfacha fàcia a Itàlia, los galeses deurián sortir d’aquela pola de 3.
Çò que nos valdriá unes quarts amb la Nòva Zelanda contra Itàlia, Austràlia contra Galas, Anglatèrra contra França o Samoa, Fiji contra França o Samoa.
Aprèp, devi reconéisser que jamai ganhèri un tiron gras a quina, pas solament una cantina de rosat picat a la consolanta. Avètz perfèitament dreit d’èsser d’un autre avís e de faire part de vòstres comentaris dins aqueste espaci dobèrt pel Jornalet al rugbi de XIII! Lo rugbi es tanben l’art de tornar faire las partidas en paraulas e de se contar (“Patron, una cantina de sauvinhon mai, se vos plai!”) las partidas a venir amb la capacitat per cadun e caduna de se pensar / se veire / se dire / s’imaginar jogaire, arbitre o entraïnaire!
Alan Roch
– En pola A (3 qualificats), nos acaminam cap a un classament 1) Austràlia 2) Anglatèrra 3) Fiji 4) Irlanda.
– En pola B, nos banharem pas tròp en diguent 1) Nòva Zelanda 2) França o Samoa (lo còr ditz quicòm, la logica quicòm mai[!], d’ont l’importància de la partida de l’11 a Perpinhan) 4) Papoa-Nòva Guinèa.
– En pola C, pronostic favorable a Itàlia.
– En pola D, maldespièch sa desfacha fàcia a Itàlia, los galeses deurián sortir d’aquela pola de 3.
Çò que nos valdriá unes quarts amb la Nòva Zelanda contra Itàlia, Austràlia contra Galas, Anglatèrra contra França o Samoa, Fiji contra França o Samoa.
Aprèp, devi reconéisser que jamai ganhèri un tiron gras a quina, pas solament una cantina de rosat picat a la consolanta. Avètz perfèitament dreit d’èsser d’un autre avís e de faire part de vòstres comentaris dins aqueste espaci dobèrt pel Jornalet al rugbi de XIII! Lo rugbi es tanben l’art de tornar faire las partidas en paraulas e de se contar (“Patron, una cantina de sauvinhon mai, se vos plai!”) las partidas a venir amb la capacitat per cadun e caduna de se pensar / se veire / se dire / s’imaginar jogaire, arbitre o entraïnaire!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Adiu !
Ne sabi pas se la pichona victòria de França contra Papoasia n'ei pas qu'un illusion d'optica. An mancat de pérder d'un quart de peu de chol. Au mensh la darrèra plaça ei evitada e los quarts semblan assegurats.
De seguir, solide ...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari