Actualitats
Espanha a pas encara autorizat lo ligam TGV de Catalonha amb Occitània
Occitània e Catalonha son pas encara ligadas amb TGV per una qüestion politica. La connexion dirècta per tren rapid entre Barcelona e París, via Narbona, Besièrs, Montpelhièr, Nimes e Valença, sens de correspondéncias, es tecnicament alestida mas lo govèrn espanhòl balha pas son autorizacion per la metre en marcha, segon lo conselhièr de Territòri e Sostenibilitat de la Generalitat de Catalonha, Santi Vila.
“Esperi que serà una realitat dins las setmanas a venir pr’amor que tecnicament tot es al ponch perque s’agís solament d’una qüestion politica d’autorizacion”, çò diguèt Vila ièr de matin a Catalonha Ràdio. Al delà, lo conselhièr catalan diguèt que per el es “chocant que lo govèrn de l’Estat [espanhòl], que se vanta d’èsser liberal e modernizador, dins las accions que vertadièrament permeton liberalizar e modernizar siá totjorn talament pauruc”.
Aquela linha de TGV connecta Madrid, Barcelona, Girona, Figueres, Perpinhan, Narbona, Besièrs, Montpelhièr, Nimes, Valença e París, mas a l’ora d’ara cal far la correspondéncia a Figueres, ont cal quitar lo tren espanhòl per ne prene un de francés.
“Esperi que serà una realitat dins las setmanas a venir pr’amor que tecnicament tot es al ponch perque s’agís solament d’una qüestion politica d’autorizacion”, çò diguèt Vila ièr de matin a Catalonha Ràdio. Al delà, lo conselhièr catalan diguèt que per el es “chocant que lo govèrn de l’Estat [espanhòl], que se vanta d’èsser liberal e modernizador, dins las accions que vertadièrament permeton liberalizar e modernizar siá totjorn talament pauruc”.
Aquela linha de TGV connecta Madrid, Barcelona, Girona, Figueres, Perpinhan, Narbona, Besièrs, Montpelhièr, Nimes, Valença e París, mas a l’ora d’ara cal far la correspondéncia a Figueres, ont cal quitar lo tren espanhòl per ne prene un de francés.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Desiri bon viattge als Castelhans, sens Catalonha tant coma als Catalans sens Castilha. Los Catalans an pas mai de rasons que los Portuguesers, los Occitans los Basques o los Franceses d'ajudar Castilha. Los Catalans devon pas res a Castilha. Son pas sos obligats. Aquò vòl pas dire que se tondon de totòm, mas que çò que faràn per unes o per d'autres o faràn pr'amor qu'o consentiràn liurament.
#3 çò qui entenes per "marchar" per un país? Dominar los vesins e har créisher lo son PIB o organisar la solidaritat entà gerir de plan las crisis ecologicas e energeticas qui s'anóncian?
S'ei la purmèra accepcion n'ac soeti pas aus Catalans mei qu'aus autes. S'ei la segonda, qu'ac soeti aus Espanhòus autant com aus autes...
#1 Mas los Países Catalans sens Espanha, si que pòdon marchar. Mentre que çò contrari, mentre que s'acabèt lo sègle d'aur, me sembla pas ganhat…
#1 Mas los Países Catalans sens Espanha, si que pòdon marchar.
Lo TGV, shens nuclear, pòt pas marchar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari