A Montalban (Bas Carcin), an enebit a un trentenat d’enfants sens papièrs de manjar a la cantina de lor escòla, segon lo Ret Educacion sens Frontièras (RESF). Aqueles enfants son escolarizats per l’educacion estatala francesa, e segon la lei solament se pòdon sèire en classa, çò expliquèt La Dépêche.
Se tracta de mainatges originaris de Siria e d’Africa, qu’an drech d’anar en cors amb los autres escolans, mas an pas cap de drech de gardariá, ni de bus, ni de cantina.
“O avèm ensajat tot. Quitament la somacion del defensor dels enfants, Dominique Baudis, a pas agut cap d’efièch sus la consolessa. Anam sasir, de segur, lo tribunal administratiu. La nòstra accion es dins l’encastre dels tèxtes e de la Convencion dels Dreches de l’Enfant”, çò disiá un responsable local d’RESF a Le Figaro.
De son costat, la comuna a avalorat que per eles son solament 18 los mainatges en aquela situacion. La consolessa, Brigitte Barèges, argumenta “una manca de mejans e l’abséncia d’informacions”. Barèges rapèla qu’an “ja 128 enfants demandaires d’asil escolarizats dins las escòlas de la vila, e tanben 68 enfants de la comunautat de las gents del viatge”.
Se tracta de mainatges originaris de Siria e d’Africa, qu’an drech d’anar en cors amb los autres escolans, mas an pas cap de drech de gardariá, ni de bus, ni de cantina.
“O avèm ensajat tot. Quitament la somacion del defensor dels enfants, Dominique Baudis, a pas agut cap d’efièch sus la consolessa. Anam sasir, de segur, lo tribunal administratiu. La nòstra accion es dins l’encastre dels tèxtes e de la Convencion dels Dreches de l’Enfant”, çò disiá un responsable local d’RESF a Le Figaro.
De son costat, la comuna a avalorat que per eles son solament 18 los mainatges en aquela situacion. La consolessa, Brigitte Barèges, argumenta “una manca de mejans e l’abséncia d’informacions”. Barèges rapèla qu’an “ja 128 enfants demandaires d’asil escolarizats dins las escòlas de la vila, e tanben 68 enfants de la comunautat de las gents del viatge”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 E se legi plan, segon la Barèges los bohèmis ne son pas francés a part sancèra.
La Barèges que s'èra dejà senhalada dab la famosa sortida « E perqué pas unions dab los animaus ? » a prepaus deu maridatge omosexuau (http://www.rue89.com/2011/05/25/derapage-dune-depute-lhomophobie-nest-pas-morte-a-lump-205998). Que devó tanben har cap a acús de nepotisme (http://www.lexpress.fr/region/l-art-d-en-decoudre_483877.html). E legetz dens un jornau d'esquerristas egrègis quin se triplè lo salari (http://www.lefigaro.fr/flash-actu/2012/08/03/97001-20120803FILWWW00543-brigitte-bareges-ump-triple-son-salaire.php)…
A cadun de's har ua opinion suu personatge. Tà jo en tot cap, que representa hèra plan ua cèrta fàcia de la soa familha politica, en guèrra contra los SDF, los morets, los praubes, la cultura e l'enviroament (en fèit, en guèrra contra tot çò qu'ei pas dinèrs, dinèrs, dinèrs).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari